Իրանը գործարկել է եբրայերեն լրատվական ծառայություն

Pars Today - Իրանի Press հեռուստաալիքը պաշտոնապես գործարկել է եբրայերեն լեզվով լրատվական ծառայություն՝ աշխարհի եբրայախոս լսարանին հասանելի դառնալու համար։

Press TV-ի եբրայերեն ծառայությունը հասանելի է X-ում (նախկին՝ Twitter)  @PresstvHebrew օգտատիրոջ անունով, և Telegram-ում նույն անունով (@PresstvHebrew)։ Pars Today-ի հաղորդմամբ՝ ծառայության ամբողջական կայքը կգործարկվի մոտ ապագայում։

Հեռուստաալիքի հայտարարված հիմնական առաքելությունն է՝ ապահովել եբրայախոս լսարանի հասանելիությունը տարածաշրջանային և համաշխարհային զարգացումների վերաբերյալ տարբեր լուսաբանմանը, հատկապես այն իրավիճակում, երբ այս ոլորտի մեդիա տարածքը բախվում է լայնածավալ սահմանափակումների։

Եբրայերենով գրված ուղերձում Իրանի Իսլամական Հանրապետության ազգային լրատվամիջոցի արտասահմանյան թողարկումների բաժնի տնօրեն՝ Ահմադ Նորուզին այս քայլը որակել է որպես պատասխան՝ պատերազմի ժամանակ եբրայերենով լրատվամիջոցների վրա Իսրայելի ռեժիմի կողմից կիրառված խիստ գրաքննությանը՝ ընդգծելով. «Նրանք վախենում են իմանալ ճշմարտությունը, և եբրայերեն  Press TV-ն կբացահայտի թաքնված ճշմարտությունները»։

Եբրայերեն լրատվական ծառայության զարգացման ծրագրերը ներառում են կարճ տեսանյութերի, վերլուծական ծրագրերի և եբրայերենով հատուկ ռեպորտաժների պատրաստում։ Օրակարգում է նաև անկախ կայքի գործարկումը և ծառայությունը անկախ հեռուստաալիքի վերածելու հնարավորության քննարկումը։