Իրանում մեկ տարվա ընթացքում մոտ 10 միլիարդ դոլարի արտասահմանյան ներդրումների ներգրավումը
Իրանի ներդրումային և տնտեսական ու տեխնիկական օգնության կազմակերպության ղեկավարը հայտնել է անցյալ մեկ տարվա ընթացքում գրեթե 10 միլիարդ դոլարի արտասահմանյան ներդրումների ներգրավման մասին և այս թիվը բնութագրել է որպես ներդրողների կողմից երկրի տնտեսական կարողությունների նկատմամբ շարունակական վստահության նշան։
Նրա խոսքով՝ հիմնական ուշադրությունը կենտրոնացած է ներդրողների հետ կապված առկա խնդիրների լուծման և միջազգային շուկաներին վստահության ազդանշան ուղարկելու դրական փորձի ստեղծման վրա։
«Pars Today»-ը հղում անելով ԻՌՆԱ լրատվական գործակալությանը հաղորդել է,որ Մեհդի Հեյդարին երկուշաբթի օրը «Իրանի ազգային ապրանքանիշը» թեմայով առաջին ազգային համաժողովում ընդգծել է, որ վիճակագրական թափանցիկությունը և տնտեսական իրավիճակի իրատեսական պատմության ներկայացումը որոշիչ դեր են խաղում ներդրողների որոշումների կայացման գործում։ Անդրադառնալով շատ տնտեսություններում կապիտալի միաժամանակյա ներհոսքին և արտահոսքին՝ Հեյդարին հավելել է, - «Կարևորը տնտեսական պատմության հավաստիությունն է և անիրատեսական խոստումներից խուսափելը»։