Թախտ Ռավանչի. Մենք չենք վստահում Ամերիկային, Իրանի պատրաստակամությունն ու զգոնությունը շարունակվում են
Իրանի փոխարտգործնախարարը, ընդգծելով անցյալում Ամերիկայի պարտավորությունների խախտումները, ասել է, որ այս երկրին չպետք է վստահել, և որ պատմական փորձը ցույց է տվել, որ Իրանը չպետք է նույն գետը երկու անգամ մտնի։
Նասիմ հեռուստաալիքի հաղորդման ժամանակ Մաջիդ Թախտ Ռավանչին հավելել է, որ Իրանը լիարժեք զգոնությամբ ամրապնդել է իր պաշտպանական կարողությունները և զգուշորեն կառավարում է իր քաղաքականությունը, որպեսզի մյուս կողմը չկարողանա պարտադրել իր տեսակետները կամ ակնկալել, որ Իրանը կփոխի իր դիրքորոշումը։ Նա նաև ընդգծել է, որ երկրի դիվանագիտական ներուժը դեռևս ակտիվ է, բայց փոխազդեցությունները պետք է իրականացվեն՝ հաշվի առնելով Ամերիկայի պարտավորությունների խախտումների պատմությունը և Իրանի սկզբունքների շրջանակը։
Mehr լրատվական գործակալության փոխանցմամբ՝ Թախտ Ռավանչին այս ծրագրում նշել է, որ Իրանը Միացյալ Նահանգներում լոբբի չունի, և դրա համար անհրաժեշտ պայմանները գոյություն չունեն։ Նա հիշեցրել է, որ ամերիկյան համակարգը բարդ է, և այս երկրի արտաքին քաղաքականության սկզբունքները չեն փոխվում նախագահի փոփոխության դեպքում, անկախ նրանից՝ հանրապետական է, թե դեմոկրատ։ Նա հավելեց, որ Իրանի մոտեցումը Միացյալ Նահանգների նկատմամբ պետք է լինի իրատեսական և զգուշավոր, և երկու երկրների միջև հարաբերություններում թշնամանքը կարող է կառավարվել դրա սկզբունքների շրջանակներում։
Վերջում Թախտ Ռավանչին ընդգծեց,որ ընդհանուր առմամբ Իրանը լավ վիճակում է, և երկիրը օրեցօր ավելի պատրաստված կդառնա, որպեսզի չեզոքացվի ճնշում գործադրելու ցանկացած փորձ և մյուս կողմը զղջա Իրանի դիրքորոշումների վրա ազդելու իր պատրանքի համար։