Բաղայի․ ԱՄՆ-ի հետ ոչ մի բանակցություն չենք ունեցել
ParsToday– Իրանի ԱԳՆ-ի խոսնակը հերքել է վերջին 24 օրում ԱՄՆ-ի հետ որևէ բանակցություն կամ շփում ունենալու հանգամանքը։
Ըստ ParsToday–ի՝ Իրանի ԱԳՆ խոսնակ Էսմայիլ Բաղային, պատասխանելով լրագրողի հարցին ԱՄՆ-ի կողմից Իրանի կենսական ենթակառուցվածքների դեմ սպառնալից դիրքորոշումներից հետ կանգնելու մասին, ասել է. «Վերջին օրերի ընթացքում որոշ բարեկամ երկրների միջոցով ստացել ենք ԱՄՆ-ի հաղորդագրություններն այն մասին, որ նրանք խնդրում են բանակցել պատերազմի ավարտի շուրջ, որին անհրաժեշտ և երկրի հիմնարար դիրքորոշմանը համահունչ պատասխան է տրվել»։
Նա հավելել է. «Պատասխաններում ԱՄՆ-ին զգուշացվել է, որ Իրանի կենսական ենթակառուցվածքների դեմ ցանկացած հարձակում կունենա ծանր հետևանքներ, և ընդգծվել է, որ էներգետիկ ենթակառուցվածքների դեմ ցանկացած գործողության դեպքում Իրանի զինված ուժերը կտան վճռական, անհապաղ և արդյունավետ պատասխան»։
Իրանի ԱԳՆ-ի խոսնակը հերքել է պարտադրված պատերազմի վերջին 24 օրում ԱՄՆ-ի հետ որևէ բանակցություն կամ երկխոսություն ունենալու հանգամանքը և նշել է, որ Իրանի Իսլամական Հանրապետության դիրքորոշումը Հորմուզի նեղուցի և պարտադրված պատերազմի ավարտի պայմանների վերաբերյալ որևէ փոփոխություն չի կրել։