Raad համակարգ. ՀՕՊ ոլորտում ԻՀՊԿ նվաճումներից մեկը

ԻԻՀ զինված ուժերը, Պաշտպանության և զինված ուժերի աջակցության նախարարության հետ համատեղ, մինչ օրս նախագծել և կառուցել են մի շարք համակարգեր, որոնք համալրել են ԶՈՒ ՀՕՊ ստորաբաժանումները։

ԻՀՊԿ նույնպես մեծ ջանքեր է գործադրել հակաօդային պաշտպանության համակարգերի նախագծման և արտադրության ոլորտում։ Այդ համակարգերից է Raad  հրթիռային համակարգը, որը կառուցվել է Կորպուսի ցամաքային ուժերի Ինքնաբավության ջիհադի կազմակերպության կողմից և իրանցի մասնագետների գիտական ջանքերի ու պայքարի արդյունքն է։

Համակարգը կառուցվել է 2012 թվականին և շահագործման է հանձնվել Իրանի զինված ուժերում։ Raad  համակարգը կարող է պաշտպանել Իրանի երկինքը՝ սեփական ռադարի միջոցով՝ ՀՕՊ պաշտպանության ինտեգրված ցանցի այլ հատվածների հետ համակարգված կերպով։

Համակարգին առաջին անգամ անդրադարձել է կորպուսի հրամանատարը՝ 2012 թվականի սեպտեմբերին կայացած մամուլի ասուլիսում։  Այդ օրը հրամանատարը հիշատակել է 50 կիլոմետր հեռահարությամբ և մինչև 27 կիլոմետր թիրախի բարձրությամբ «Ռաադ» հակաօդային պաշտպանության համակարգի մասին։

Համակարգը ներկայացվել է նույն թվականի սեպտեմբերի 21-ին Սրբազան պաշտպանության շաբաթվա կապակցությամբ կայացած զինված ուժերի շքերթի ժամանակ։ Այն կիրառվում է ԻՀՊԿ ավիատիեզերական ուժերի կողմից։

Կորպուսի Ավիատիեզերական ուժերի  ժամանակի հրամանատար Հաջիզադեն  համակարգի հրթիռների մասին ասել է. «Այս հրթիռները կառուցված են ամերիկյան ինքնաթիռներին դիմակայելու համար»։

«Ռաադ» համակարգը զարմացրեց օտարերկրյա մասնագետներին, քանի որ ցուցադրվում էր ռուսական «Բուկ-Մ2» մոդելին նման համակարգ, բայց նկատելի տարբերություններով, որոնք   Իրանում նախագծված լինելու վկայությունն էին։ Համակարգն ունի մեկ թիրախ խոցելու հնարավորություն և հագեցած է երեք Taer-2 հրթիռներով։

Raad հրթիռային համակարգի արձակիչը 6 անիվանի տրանսպորտային միջոց է, որը  նմանություն ունի ռուսական Buk ցամաք-օդ համակարգում օգտագործվող անիվավոր մոդելի հետ և կրում է եռակի հրթիռային համակարգ, որն ունի ուղղության և բարձրության երկու աստիճան ազատություն, իսկ որոշ մոդելներում այն նաև հագեցած է ռադարով, և հրթիռների տակ կա անձնակազմի տեղակայման տեղ։

Raad 1 համակարգ

Raad 1 հրթիռային պաշտպանության համակարգը միջին բարձրության համակարգ է, և կարելի է  ասել, որ տեսքի ու կառուցվածքի տեսանկյունից այն պատկանում է Som Khordad և Tabas համակարգերի ընտանիքին: Raad-ը կարող է խոցել մինչև 27 կիլոմետր բարձրության վրա գտնվող տարբեր թիրախներ: Այս տեղական հակաօդային պաշտպանության համակարգը օգտագործում է երեք հրթիռ՝ Taer 1 անունով՝ 50 կիլոմետր և Taer 2 անունով՝ 105 կիլոմետր հեռահարությամբ, ինչպես նաև Sayyad 2 հրթիռ՝ 75 կիլոմետր հեռահարությամբ:

Համակարգը կարող է հակազդել մարտավարական և ռազմավարական ինքնաթիռներին, ուղղաթիռներին, անօդաչու թռչող սարքերին և գործել էլեկտրոնային պատերազմի պայմաններում:

Raad 1 հրթիռային համակարգը տեղադրված է 6 անիվանի մեքենայի վրա, որը կրում է վերը նշված երեք հրթիռներից բաղկացած հավաքածու, որոնք ունեն ուղղության և բարձրության երկու աստիճան ազատություն, և որոշ մոդելներում նաև հագեցած են ռադարով, իսկ այս հրթիռային համակարգի անձնակազմը գտնվում է հրթիռների տեղակայման հատվածի տակ: Հրթիռներից և համակարգը տեղափոխող մեքենայից բացի,   ռադարային համակարգը նույնպես տեղական արտադրության է: Այն տեղադրված է բեռնատարի վրա, ինչը դրան բարձր շարժունակություն է հաղորդում: Շարժման ժամանակ ռադարի բաղադրիչները  փակ են, և բեռնատարի հետևի մասում երևում է կրակող ստորաբաժանումների հետ կապի համար նախատեսված փոքրիկ անտենայի կայմը:

Raad համակարգը օգտագործում է երկու ռադար՝ S-111 թիրախի հայտնաբերման և S-311   թիրախի լուսավորման ռադարները, որոնց համար աղբյուրներում նշվում են տարբեր հեռավորություններ, սակայն ավելի հավանական է S-111 ռադարի 75-ից 90 կմ և S-311 ռադարի մինչև 55 կմ հեռավորությունը։

Raad 2 համակարգ

 Raad 2 հրթիռային համակարգը առաջին անգամ ներկայացվել է 2014 թվականի սեպտեմբերի 22-ին կայացած ԻԻՀ զինված ուժերի շքերթում։ Շքերթի  ժամանակ ցուցադրվել են Raad 2 հրթիռային համակարգի արձակիչը, կրող մեքենան և հրթիռները։ Ավելի ուշ, Raad 1, Tabas, Som-Khordad, Khorramshahr և այլն համակարգերի հետ միասին, Raad 2 համակարգը միացել է ԻԻՀ հրթիռային և պաշտպանական համակարգերի ընտանիքին։

 2014 թվականի սկզբին ԻՀՊԿ-ի ավիատիեզերական ուժերի նվաճումների ցուցահանդեսում, որին մասնակցել էր նաև գլխավոր հրամանատարը, ցուցադրվել է Raad 1 համակարգի բարելավված տարբերակը՝ Raad 2 անվամբ: Օգտագործելով հեռահար էլեկտրաօպտիկական համակարգեր, որոնք տեղակայված էին հրթիռային արձակիչից առանձին գտնվող սարքի վրա, համակարգը կարող է արդյունավետորեն խոցել տարբեր օդային թիրախներ տարբեր պայմաններում, հատկապես ինտենսիվ էլեկտրոնային պատերազմի առկայության դեպքում:

Սա Raad հրթիռային համակարգի արդիականացված տարբերակն է, որը ներկայումս գտնվում է Իսլամական հեղափոխության պահապանների կորպուսի ավիատիեզերական ուժերի տրամադրության տակ: Raad 2-ը նաև ունի Iveco բեռնատարի վրա տեղադրված արձակիչ, որը բարձր շարժունակություն ունի։

Raad 2 համակարգը հագեցած է միջին բարձրության հրթիռներով և կարող է խոցել 27 կիլոմետր բարձրության վրա գտնվող թիրախներ: Այս համակարգը կարող է հագեցած լինել նաև 50 կիլոմետր հեռահարության «երկիր-օդ» դասի հրթիռներով, 105 կիլոմետր հեռահարության Taer 2 երկիր-օդ դասի հրթիռներով և 75 կիլոմետր հեռահարության  Sayyad 2 հրթիռներով: Raad 2 հրթիռային պաշտպանության համակարգի համար սահմանված առաքելությունների թվում են մարտավարական և ռազմավարական ինքնաթիռների, ուղղաթիռների, անօդաչու թռչող սարքերի դեմ պայքարը և էլեկտրոնային պատերազմի պայմաններում գործելու հնարավորությունը։ Չնայած Raad 2-ը, ինչպես Raad 1-ը, օգտագործում է Tier 2 հրթիռներ, Raad 2-ը օգտագործում է Tier 2-A սերնդի հրթիռներ, մինչդեռ Raad 1 հրթիռային համակարգը օգտագործում է Tier 2 հրթիռներ, ինչը ցույց է տալիս, որ Raad 2 հրթիռային համակարգի արտադրության մեջ արդիականացվել են նաև նույն համակարգի՝ Raad 1-ի նախատիպային հրթիռները: Մեկ այլ կետն էլ այն է, որ Raad 2 հրթիռային համակարգը, ինչպես իր կրտսեր եղբայրը՝ Raad 1-ը, օգտագործում է եռակի արձակիչ: