Փեզեշքիան․ Թշնամու նպատակը ենթակառուցվածքների վրա հարձակվելով՝ ժողովրդի շրջանում դժգոհություն սերմանելն է
Թեհրան – Իրանի նախագահը, անդրադառնալով ենթակառուցվածքները թիրախ դարձնելու և շրջափակումներ կիրառելու թշնամական վերջին գործողություններին, ընդգծել է, որ այս շարժումների գլխավոր նպատակը ժողովրդի շրջանում դժգոհություն ստեղծելն ու երկրի ներքաղաքական մթնոլորտը փոխելն է։
Հղում անելով ԻՌՆԱ գործակալությանը Pars Today֊ը հաղորդել է, Մասուդ Փեզեշքիանը շաբաթ օրը հայտարարել է, որ թշնամին (ԱՄՆ-ն ու Իսրայելը) ծրագրված կերպով փորձում է փոխակերպել հասարակության ներկայիս բավարարվածությունը դժգոհության և այդպիսով հասնել իր նպատակներին։ Նա հավելել է, որ այս մոտեցումը համապարփակ ճնշման սցենարի մաս է կազմում, որը միաժամանակ թիրախավորում է տնտեսական, հոգեբանական և սոցիալական ասպեկտները։
Փեզեշքիանը նաև նշել է, որ թշնամին փորձում է ազդել հասարակական կարծիքի վրա՝ ճնշում գործադրելով ենթակառուցվածքների վրա և խաթարելով ընթացիկ գործընթացները, սակայն պատշաճ միջոցառումներով հնարավոր է ձախողել այդ նպատակները։