Թեհրանը և Իսլամաբադը նախատեսում են առևտուրը հասցնել 10 միլիարդ դոլարի

Կարևորելով տնտեսական համագործակցության ընդլայնումը, Իրանը և Պակիստանը համատեղ նպատակ են դրել առևտրային փոխանակումների ծավալը տարեկան 3 միլիարդ դոլարից հասցնել 10 միլիարդ դոլարի։ Այս համաձայնագիրը կարող է երկու հարևանների տնտեսական հարաբերությունները տեղափոխել նոր փուլ։

Pars Today-ի փոխանցմամբ՝ Իրանի ներքին գործերի նախարար Էսկանդար Մոմենին Պակիստանի ներքին գործերի նախարար Սայեդ Մոհսին Նաղվիի հետ հանդիպումից հետո հայտարարել է, որ տնտեսական հարցերից բացի, երկու կողմերը քննարկել են նաև սահմանային անվտանգությունը, ահաբեկչության դեմ պայքարը և թմրանյութերի ապօրինի շրջանառության դեմ պայքարը։ Նա 10 միլիարդ դոլարի նպատակի իրագործումը համարել է երկու երկրների տնտեսական ինստիտուտների միջև լայն համագործակցություն պահանջող։
Հարկ է նշել, որ վերջին տարիներին Թեհրանը և Իսլամաբադը ավելի շատ են փորձել ակտիվացնել իրենց տնտեսական և տարանցիկ կարողությունները, քան նախկինում։ Շանհայի համագործակցության կազմակերպությունում երկու երկրների դիրքերի մոտիկությունը նույնպես տարածաշրջանային համակարգման ընդլայնման նշան է։
Պակիստանի ներքին գործերի նախարարն անդրադառնալով երկու երկրների միջև եղբայրական հարաբերությունները, ընդգծեց համագործակցության ամրապնդման և տարածաշրջանային մարտահրավերները հաղթահարելու համար խորհրդակցությունների շարունակման անհրաժեշտությունը։