Ղարիբաբադի. Իրանը վճռականորեն կարձագանքի Իսլամաբադի փոխըմբռնման խախտմանը

Իրանի արտաքին գործերի փոխնախարարը ԱՄՆ-ի հարձակումը հարավային Իրանի թիրախների վրա համարել է Իսլամաբադի փոխըմբռնման հուշագրի 1-ին և 2-րդ կետերի լուրջ խախտում և ընդգծել է. Իրանը վճռական միջոցներ կձեռնարկի իր ազգային շահերն ու անվտանգությունը պաշտպանելու համար։

Ինչպես հաղորդում է Pars Today-ը՝ հղում անելով Իրանի պետական հեռուստատեսությանը, միջազգային հարցերով փոխնախարար Քազեմ Ղարիբաբադին չորեքշաբթի առավոտյան սոցիալական ցանցերում իր ուղերձում ի պատասխան հարավային Իրանի թիրախների վրա ԱՄՆ-ի հարձակմանը, գրել է. «Իրանական նավթի վաճառքի վրա պատժամիջոցի վերացումը չեղարկելու վերաբերյալ ԱՄՆ գործողությունը հուշագրի 10-րդ կետի կոպիտ խախտում է, իսկ այդ երկրի կողմից Իրանի դեմ հետագա ռազմական գործողությունները նույնպես Իսլամաբադի փոխըմբռնման հուշագրի 1-ին և 2-րդ կետերի լուրջ խախտում են»։

Ղարիբաբադին հավելել է. «Վերջին 3 շաբաթների ընթացքում ԱՄՆ-ն բազմիցս խախտել է փոխըմբռնման հուշագրի 1-ին և 2-րդ կետերը՝ Լիբանանում սիոնիստական ​​ռեժիմի գործողությունների և Իրանի դեմ սպառնալից հայտարարությունների պատճառով»։

Իրանի արտաքին գործերի նախարարի միջազգային հարցերով տեղակալը շեշտեց. «Նախազգուշացնելով Ամերիկայի կողմից պայմանագրի խախտման հետևանքների մասին, Իրանը վճռական միջոցներ կձեռնարկի իր շահերը և ազգային անվտանգությունը պաշտպանելու ուղղությամբ»։