Փեզեշքյան. Մենք վճռականորեն կանգնած ենք մեր իրավունքի պաշտպանության համար
Իրանի նախագահ Մասուդ Փեզեշքկանը հայտարարել է, որ Իրանը վճռականորեն կանգնած է իր իրավունքի պաշտպանության համար։
Ինչպես հաղորդում է Pars Today-ը՝ հղում անելով Իրանի պետական հեռուստառադիոընկերությանը, Մասուդ Փեզեշքյանը, անդրադառնալով հինգշաբթի երեկոյան ԱՄՆ-ի կողմից Իրանի դեմ իրականացված ռազմական ագրեսիային և հրադադարի խախտմանը, X-ում գրել է. « Աշխարհի առաջնության ընթացքում ԱՄՆ կառավարության վարքագիծը ընդամենը փոքր օրինակն է այն նույն գործելաոճի, որը Վաշինգտոնը որդեգրել է արտաքին քաղաքականության մեջ՝ միջազգային կանոնների ոտնահարում, ուժի կիրառում, մյուսների համար խոչընդոտների ստեղծում և անարդար մրցակցություն։ Սա է նրանց Make America Great Again քաղաքականության մարտավարությունը»։
Փեզեշքյանն ընդգծել է. «Իրանի հետ նման կերպ վարվել չի հաջողվի։ Մենք վճռականորեն կանգնած ենք մեր իրավունքների պաշտպանության համար»։