Իրանը մշակութային ժառանգության առումով աշխարհի 10 լավագույն երկրների շարքում է

Իրանի մշակութային ժառանգության փոխնախարարը հայտարարել է, որ ՅՈՒՆԵՍԿՕ-ի համաշխարհային ժառանգության ցանկում «Ալամոթի ամրոցի և դրա հարակից ամրությունների» գրանցմամբ Իրանն ընդգրկվել է աշխարհի 10 լավագույն երկրների շարքում՝ գրանցված հուշարձանների քանակով: Այս հուշարձանը վերջերս ՅՈՒՆԵՍԿՕ-ում գրանցվել է որպես Իրանի երեսուներորդ նյութական մշակութային ժառանգություն:

Pars Today-ի փոխանցմամբ՝ Ալի Դարաբին, շնորհավորելով Ալամոթի ամրոցի համաշխարհային գրանցումը, ասել է. «Այս ամրոցը եզակի աշխատանք է ճարտարապետության, պաշտպանական համակարգի, կառավարման և գիտելիքների ոլորտներում»: Նա հավելել է, որ այս պատմական ամրոցում նախկինում գտնվել է գրադարան մոտ 400,000 հատոր գրքերով: Ղազվին նահանգում գտնվող Ալամոթ ամրոցը համարվում է իրանական ռազմական ճարտարապետության ամենաակնառու օրինակներից և երկրի ամենակարևոր պատմական հուշարձաններից մեկը: