Իրանի ԱԳ նախարար. Շրջափակումների երկարաձգումը վկայում է, որ ԱՄՆ-ն հեղինակազրկվել է
ԻԻՀ ԱԳ նախարարն ասել է.«Իրանի դեմ ԱՄՆ-ի շրջափակումների երկարաձգումը միջազգային հանրության տեսակետից ԱՄՆ-ի կառավարության հեղինակազրկման ապացույցն է»:
Շաբաթ օրը, Հնդկաստանի մայրաքաղաք Նոր Դելիում լրագրողների հետ ճեպազրույցում Մոհամմեդ Ջավադ Զարիֆն ասել է. «ԱՄՆ-ն Համատեղ ակտի ծրագրով ստանձնած պարտավորություններին հակառակ է շարժվում»:
« ԱՄՆ-ի Կոնգրեսի հակաիրանական որոշումը նույնիսկ ԱՄՆ նախագահ Բարաք Օբամայի կողմից ստորագրվելու դեպքում չի կարող գործադրման հանձնվել»,-հայտարարել է ԻԻՀ ԱԳ նախարարը:
Իրանի Ատոմային էներգետիկայի կազմակերպության տնօրեն Ալի Աքբար Սալեհին նշել է. «Շրջափակումները երկարաձգելու Սենատի որոշումը գործնականում համարվում է Համատեղ ակտի ծրագրի ոտնահարում»:
«ԱՄՆ-ի Ներկայացուցիչների պալատի և Սենատի որոշման կապակցությամբ Իրանի պատասխան քայլը կհայտարարվի ժամանակին` Իրանի բարձրաստիճան պատասխանատուների վերջնական որոշումից հետո»,-հայտարարել է Սալեհին:
ԱՄՆ-ի Սենատը հինգաբթի օրը ձայների մեծամասնությամբ և առանց դեմ ձայների, ևս 10 տարով երկարարաձգեց Իրանի դեմ շրջափակումները:
Անցած ամիս ԱՄՆ-ի Ներկայացուցիչների պալատը կողմ էր քվեարկել այդ շրջափակումների երկարաձգմանը: Իրանի դեմ շրջափակումների օրենքը պետք է ստորագրվի նաև ԱՄՆ նախագահ Բարաք Օբամայի կողմից:
Իրանի իսլամական խորհրդարանի պատգամավորները հատարարել են, որ ԻԻԻՀ պետք է դիմիպատասխան քայլերի:
