Իրանի նախագահի ձեռամբ տեղի է ունեցել «Քաղաքացիական իրավունքների կանոնագրի» շնորհանդեսը
Այսօր Թեհրանում ԻԻՀ նախագահ՝ Հասան Ռոհանիի ներկայությամբ «Սահմանադրությունը և ժողովրդի իրավունքները» թեմայով համագումարում տեղի է ունեցել «Քաղաքացիական իրավունքների կանոնագրի» շնորհանդեսը:
Դեկտեմբերի 19-ին նախագահ Ռոհանին ստորագրել է 23 գլուխներից և 120 հոդվածներից բաղկացած քաղաքացիական իրավունքների կանոնագիրը:
Հրապարակած հաղորդագրությամբ Իրանի նախագահը գործադիր իշխանության ենթակա մարմիններին հանձնարարել է մինչև վեց ամիս պատրաստել ու վավերացնել իրենց պարտականությունների շրջանակում «Իրավական համակարգի բարեփոխման ու բարգավաճման» ծրագիրը:
Հաղորդագրության մեջ ընդգծելով Իրանի ժողովրդի պահանջների իրականացման անհրաժեշտությունը, Ռոհանին հստակեցրել է.«Այս ժողովուրդը միշտ հարգելով մարդկային արժանապատվությունն ու վեհանձնությունը, իր իրավունքն է պահանջել»:
«Իրանի կառավարությունը պարտականություն ունի իրականացնել Իրանի բոլոր քաղաքացիների , թե երկրի ներսում թե՛ արտերկրում արժանավայել ապրելու , մարդկային արժանիքներով օժտվելու , ազատության ու արդարության իրավունքները, անկախ նրանց սեռից, տնտեսական վիճակից, կրոնական համոզմունքներից և լեզվից»,ասված է հաղորդագրության մեջ:
