Ամիր Աբդոլլահյանն ընդգծեց Միջին Արևելքի ճգնաժամերի քաղաքական լուծման անհրաժեշտությունը
Միջազգային հարցերով Իրանի իսլամական խորհրդարանի նախագահի հատուկ օգնականը հույս է հայտնել, որ տարածաշրջանի բոլոր ճգնաժամերը ահաբեկչության դեմ պայքարի, քաղաքական լուծման և ազգային երկխոսության շնորհիվ դրական լուծում կունենան:
ԻՌՆԱ-ի հաղորդման համաձայն, միջազգային հարցերով Իրանի իսլամական խորհրդարանի նախագահի հատուկ օգնական Հոսեյն Ամիր Աբդոլլահյանը երկուշաբթի օրը՝ Բեյրութում, Լիբանանի խորհրդարանի նախագահ Նաբիհ Բերիի հետ հանդիպումից հետո լրագրողների հետ զրույցում ասել է. «Բոլոր ջանքերը պիտի կենտրոնացվեն ճգնաժամերի կարգավորման և ծայրահեղական ահաբեկչական խմբերի դիմակայման վրա և իսլամ աշխարհի ուշադրությունը պիտի վերադառնա Պաղեստինի գլխավոր հարցի վրա»:
«Եմենի ու Բահրեյնի ճգնաժամերը միայն քաղաքական լուծում ունեն և շարունակվելու են ահաբեկչության դեմ պայքարի ուղղությամբ Սիրիային ցուցաբերվող Իրանի օժանդակությունները»,-հավելել է Ամիր Աբդոլլահյանն ընդգծելով, որ Սիրիայի ճգնաժամի կարգավորման միակ լուծումը քաղաքական բանակցություններն են:
Հանդիպման ժամանակ Ամիր Աբդոլլահյանը Լիբանանի խորհրդարանի նախագահ Նաբիհ Բերիին է փոխանցել Թեհրանում Պաղեստինի միջազգային համագումարին մասնակցելու Իրանի իսլամական խորհրդարանի նախագահ Ալի Լարիջանիի հրավերը:
