ԱՄՆ-ի քայլը պետք է ստանա համարժեք պատասխան
Իրանի ԱԳ նախարարության խոսնակը տեղեկացրել է, որ նախարարությունում ձևավորվել է կոմիտե, որհ հետևելու է արտասահմանում բնակվող իրանցիների հարցերին: «Իրանի ու իսլամական որոշ երկրների դեմ ԱՄՆ-ի թշնամական քայլից հետո դրան հակադարձելու համար լուծումներ ու քայլեր են նախատեսվել». ասել է նա:
ԻՌՆԱ-ի հաղորդման համաձայն, Բահրամ Ղասեմին երկուշաբթի օրն ասել է. «Այս կապակցությամբ կարևոր է Իրանի ԱԳ նախարարությունում առողջապահության, բուժման ու բժշկական ուսման, ինչպես նաև գիտությունների, հետազոտության ու տեխնոլոգիայի նախարարությունների և իրավապահ ուժերի ներկայացուցիչների մասնակցությամբ կոմիտեի ստեղծումը»:
ԻԻՀ ԱԳ նախարարության խոսնակն ընդգծել է, որ կոմիտեն վերջին երկու օրերի ընթացքում արդեն հասցրել է որոշ գործեղանակներ մշակել ու փոխանցել աշխարհի տարբեր երկրներում հավատարմագրված ԻԻՀ-ի դեսպանատներին: «Այս գործեղանակները մշակվել են արտասահմանում ու հատկապես ԱՄՆ-ում բնակվող իրանցիներին աջակցելու համար»:
