«Պաղեստինի իրավազրկված ժողովուրդը լուրջ աջակցության կարիք ունի».Լարիջանի
Իրանի իսլամական խորհրդարանի նախագահն ասել է.«Պաղեստինի ժողովուրդն ամենաիրավազրկվածն է աշխարհում և լուրջ աջակցության կարիք ունի»:
Երեքշաբթի օրը, Թեհրանում Պաղեստինի Ինթիֆադայի պաշտպանության 6-րդ համագումարի բացման հանդիսության ժամանակ, բարձր գնահատելով տարբեր երկրների քաղաքական այրերի ու պաշտոնատարների ներկայությունն այս համագումարում, Ալի Լարիջանին ասել է.«Այնպիսի պայմաններում ենք, որ Սիոնիստական ռեժիմն ավելի է մեծացրել ճնշումները Պաղեստինի իրավազրկված ժողովրդի վրա»:
Լարիջանին նշել է, որ անտեսելով միջազգային օրենքները և ՄԱԿ-ի Անվտանգության խորհրդի բանաձևը, Քնեսեթի վավերացմամբ, Իսրայելը շարունակում է քաղաքատիպ ավանների կառուցումը:
Իրանի իսլամական խորհրդարանի նախագահը հավաստիացրել է, որ Իսրայելը որոշ իսլամական երկրների վրա ազդելով, փորձում է մոռացության մատնել Պաղեստինի հարցը:
