Անհրաժեշտ է դիմակայել արբանյակային ալիքների ապաքարոզչությանը
Իրանի ռադիո-հեռուստատեսության կազմակերպության ղեկավարը անհրաժեշտ է համարել պայքարել արբանյակային ալիքների ու մեդիա հոսանքների կողմից տարվող ապաքարոզչության դեմ:
Փետրվարի 28-ին, Իրանի ռադիո-հեռուստատեսության կազմակերպության տնօրենների նիստի ընթացքում, պարզաբանելով կազմակերպության մոտեցումներն ու ծրագրերը Իրանում անցկացվելիք նախագահական ընտրությունների կապակցությամբ, Իրանի ռադիո-հեռուստատեսության կազմակերպության ղեկավար Աբդոլալի Ալի Ասգարին ասել է.«Առաջիկա մայիսի 19-ին անցկացվելիք նախագահական ընտրություններում Իրանի ռադիո-հեռուստատեսության կարևորագույն նպատակներն են՝ անկողմնակալության պահպանումը, Իսլամական հանրապետության մակարդակով ընտրությունների անցկացումը, ընտրատարատեղամասերում ժողովրդի առավելագույն համագործակցության ապահովումը, արժանավոր թեկնածուին ընտրելու հարցով ժողովրդի տեղեկացվածության ապահովումը և արտասահմանյան լրատվամիջոցների կողմից ապաքարոզչությունների չեզոքացումը»:
