Ռոհանի.«Հարավային Փարսը կարող է դառնալ Իրանի ցատկահարթակը դեպի առաջադիմություն»
Իրանի Իսլամական Հանրապետության նախագահ Հասան Ռոհանին ասել է.«Հարավային Փարս հանքավայրի բլոկները կարող են դառնալ ցատկահարթակ դեպի առաջադիմություն»:
Ապրիլի 16-ին Ասալույեում Հարավային Փարս հանքավայրի նոր բլոկների շահագործման հանձնվելու արարողակարգի ընթացքում ունեցած ելույթի ժամանակ նախագահ Ռոհանին նշել է.«Հարավային Փարս հանքավայրի նոր բլոկների բացումը Իրանի պարծանքներից է: Այն համարվում է նավթի, գազի ու պետրոքիմիայի արդյունաբերության ոլորտում արված խոշորագույն ներդրումը: Նոր բլոկները նախագծվել են իրանցի մասնագետների կողմից»․ ասել է նախագահը:
Անդրադառնալով գների նվազմանը, դիմադրողական տնտեսության քաղաքականության իրագործմանը և միջուկային հարցում Իրանի ժողովրդի իրավունքի իրագործմանը, նախագահ Ռոհանին ասել է.«Իրանի նավթի ու գազի արտահանումները կրկնապատկվել են և Հարավային Փարս հանքավայրում մի քանի նոր նախագծերի իրագործմամբ, այս համատեղ հանքավայրում արդյունահանման առումով Իրանը կգերազանցի Քաթարին»:
Կարևորելով դիմադրողական տնտեսության իրագործումը, Իրանի գործադիր իշխանության ղեկավարը հստակեցրել է.«Իրանը շուտով ինքնաբավության կհասնի ցորենի, գազի և բենզինի արտահանումների բնագավառներում»:
«Ընտրություններում ժողովրդի մասնակցությամբ կիրականանա Իրանի անվտանգությունը, խաղաղությունն ու առաջադիմությունը»․ ասել է Իրանի նախագահը:
