Ռոհանին ժամանել է Ֆարս նահանգ

ԻԻՀ նախագահն իրանցի անվանի բանաստեղծ Սաադիի մեծարման օրվա հանդիսությանը մասնակցելու և Իրանի հարավային Ֆարս նահանգում բարեշինական 400 նախագծեր շահագործման հանձնելու նպատակով չորեքշաբթի օրը ժամանել է նահանգի կենտրոն Շիրազ:

ԻՌՆԱ-ի հաղորդման համաձայն` Հասան Ռոհանիին Ֆարս նահանգ կատարած ուղևորության ընթացքում ընկերակցում են մի խումբ նախարարներ ու կառավարության անդամներ:

Իրանի պաշտոնական օրացույցում Օրդիբեհեշտ ամսվա 1-ը`՝ ապրիլի 21-ը, Սաադիի մեծարման օրն է:

Յուրաքանչյուր տարի այս կապակցությամբ տարբեր միջոցառումներ են կազմակերպվում Շիրազ քաղաքում գտնվող իրանցի անվանի բանաստեղծի դամբարանում ու միևնույն ժամանակ աշխարհի տարբեր երկրներում մեծարվում են նրա գրական արժանիքները: