Իրանի նախագահի թեկնածու՝ Էսհաղ Ջահանգիրին ինքնաբացարկ է հայնտել հօգուտ Ռոհանիի
Իրանի նախագահական 12-րդ շրջանի ընտրությունների թեկնածու Էսհաղ Ջահանգիրին երեքշաբթի օրը ինքնաբացարկ է հայտնել հօգուտ թեկնածու և գործող նախագահ Հասան Ռոհանիի։
Իրանի ռադիո-հեռուստատեսության լրատվական ծառայության հաղորդմամբ՝ Ջահանգիրիի հրապարակած հաղորդագրության մեջ ասված է-«Իրանը գտնվում է նախագահական և գյուղական ու քաղաքային իսլամական խորհուրդների կարևոր ընտրությունների շեմին։ Ազգային ու համաշխարհային հարցերին ուշադրություն դարձնելը և այս ընտրությունների նշանակության գիտակցումը անխուսափելի են դարձնում ընտրություններին ակտիվ մասնակցությունը։ Ես ինքնաբացարկ եմ հայտարարում հօգուտ Ռոհանիի։ Ես կաջակցեմ Հասան Ռոհանիին և նրա հետագա ծրագրերին»։
Երկուշաբթի օրը Իրանի իսլամական հանրապետության նախագահի թեկնածու Մոհամմեդ Բաղեր Ղալիբաֆը ևս ինքնաբացարկ է հայտնել և իր համախոհներին կոչ է արել քվեարկել թեկնածու Էբրահիմ Ռայիսիի օգտին:
Իրանի իսլամական հանրապետության 12-րդ նախագահական ընտրությունները տեղի կունենան առաջիկա ուրբաթ մայիսի 19-ին:
