Վ. Վարդանյան.«Իրանն աշխարհի հայերի սրտում տեղ ունի»
Իսլամական խորհրդարանում Թեհրանի և հյուսիսային իրանահայության նախկին պատգամավոր ՝ Վարդան Վարդանյանն ասել է.«Իրանն աշխարհի հայերի սրտում տեղ ունի և հանուն Իրանի պաշտպանության, մայիսի 19-ին բոլոր իրանցիների կողքին են լինելու և հանդիպելու ենք ընտրատեղամասերում»:
ԻՌՆԱ գործակալության փոխանցմամբ՝ Վարդանյանն ասել է.«Իրանի նախագահական ընտրություններին ժողովրդի միահամուռ մասնակցությունը իշխանության նկատմամբ ժողովրդի ցուցաբերած հովանավորման ու պաշտպանության պերճախոս վկայությունն է և ազգային հզորության ամրապնդման հարցում մեծ նշանակություն ունեն համաշխարհային մասշտաբով ընտրությունների մասին արձագանքները»:
«Սպասվող ընտրությունները կայանալու են համաշխարհային գերլարված պայմաններում, ինչն ընդգծում է այդ իրադարձության նշանակությունը: Իրողությունը պարզ է բոլոր իրանցիների համար: Իրանահայերս մեր մասնակցությամբ աշխարհին ապացուցելու ենք, թե իսլամական հանրապետությունում ապրող հայերն որքան զգայուն և ուշադիր են իրենց ճակատագրի հարցում».ասել է Վարդան Վարդանյանը:
Երկուշաբթի օրը Երևանում ԻԻՀ-ի դեսպան ՝ Սեյյեդ Քազեմ սաջջադիի ներկայությամբ Դվին քաղաքում կայացած հայաստանյան պաշտոնյաների և պարսից լեզվի ուսանողների հետ հանդիպմանը, Վարդան Վարդանյանն ասել է. «Իրանը կարևոր դեր է ունեցել հայկական կրոնական ու մշակութային հուշակոթողների , մշակութային ժառանգության պահպանման գործում, ինչը վկայում է այն մասին, որ Իրանում առաջնորդվում են Աստվածային ուսուցումների, մարդկային սկզբունքների , նաև Իրանի բազմադարյա գրականությամբ ու մշակույթով»: