Իսլամական հեղափոխության մեծապատիվ առաջնորդ. Իսլամական հեղափոխությունը լուսահոգի Էմամ Խոմեյնու ամենամեծ արվեստն էր
Իսլամական հեղափոխության մեծապատիվ առաջնորդն ասաց. «Թշնամիների ձեռքը փրոքսի պատերազմ է հրահրել տարածաշրջանի երկրներում»:
Իսլամական հեղափոխության մեծապատիվ առաջնորդ ՆՎ Այաթոլլահ Խամենեին կիրակի օրը Լուսահոգի Էմամ Խոմեյնու սուրբ դամբարանում նրա վախճանման 28-րդ տարելիցի հանդիսության ընթացքում ասաց. «Բահրեյնում Արաբիայի ներկայությունն անտրամաբանական է: Ինչո՞ւ պիտի օտար մի երկիր ռազմական ուժ մտցնի այդ երկիրն ու փորձի իր կամքը թելադրել նրան, որի արդյունքը լինելու է սևերեսությունը»:
«Արաբիան նույնիսկ ԱՄՆ-ի մի քանի միլիարդ դոլարի կաշառքն ստանալով արդյունքի չի կարող հանգել և Եմենի ժողովրդի դիմաց հաղթանակ չի տանելու»,-հայտարարեց մեծապատիվ առաջնորդը:
Նա անդրադառնալով տարածաշրջանի երկրներում փրոքսի պատերազմ հրհրելու թշնամիների սադրանքին, ասաց. «Այսօր ԻԼԻՊ ահաբեկչական խումբը վտարվել է իր ծննդավայրը համարվող Սիրիայից ու Իրաքից և շարժվում է դեպի այլ երկրներ, այդ թվում Աֆղանստան, Պակիստան ու նույնիսկ ֆիլիպիններ ու Եվրոպա: Սա նրանց միջոցով բռնկված կրակ է, որը հիմա այրում է հենց իրենց»:
Իսլամական հեղափոխության մեծապատիվ առաջնորդն իր ելույթի շարունակության մեջ մատնանշելով այն կետը, որ ԻԻՀ-ի հիմնադիր լուսահոգի Էմամ Խոմեյնու անունը կապակցված է հեղափոխության անվան հետ, ասաց. «Սրանք անբաժանելի են և իսլամական հեղափոխությունը լուսահոգի Էմամ Խոմեյնու ամենամեծ արվեստն էր»:
ՆՎ Այաթոլլահ Խամենեին անդրադառնալով Իրանում նախագահական ընտրությունների փառավոր կերպով կազմակերպմանն ասաց. «Տեսեք թշնամու լկտիությունն ինչ աստիճանի է, որ ԱՄՆ նախագահը ցեղախմբային ու շեղված մի համակարգում սուրերի պար է կատարում ու քննադատում է Իրանի ժողովրդի 40 միլիոնանոց ձայնը»:
