Զարիֆ.«Իրանը ցանկանում է ընդլայնել համագործակցությունը Ավստրիայի հետ»
Նշելով, որ Ավստրիայի պատվիրակության Թեհրան կատարած այցը վկայում է Իրանի Իսլամական Հանրապետության հետ համագործակցելու այդ երկրի ցանկության մասին, Իրանի ԱԳ նախարար Մոհամմեդ Ջավադ Զարիֆն ասել է.«Իրանը ևս ցանկանում է բոլոր բնագավառներում ընդլայնել իր համագործակցությունը Ավստրիայի հետ»:
Հունիսի 11-ին Թեհրանում Ավստրիայի ֆինանսների նախարար Հանս Յորգ Շելլինգի հետ հանդիպման ժամանակ, Մոհամմեդ Ջավադ Զարիֆը հավելել է.«Երկու երկրի համագործակցության շրջանակում Եվրոպայում Իրանի միջբանկային թղթակցային հարաբերություններն իրականանում են Ավստրիայի հետ»:
Անդրադառնալով Իրան-Ավստրիա հարաբերություններին, Զարիֆը հստակեցրել է.«Ավստրիայի հետ հարաբերություններում, հատկապես Համատեղ գործողությունների համապարփակ ծրագրից հետո, զգալի առաջընթաց է արձանագրվել»:
Շնորհակալություն հայտնելով Ավստրիային հունիսի 7-ին տեղի ունեցած ահաբեկչական հարձակումների կապակցությամբ զորակցություն հայտնելու համար, Իրանի ԱԳ նախարարն ընդգծել է.«Ահաբեկչությունը սպառնում է տարածաշրջանի բոլոր երկրներին և դրան դիմակայելու համար պահանջվում է բոլոր երկրների համագործակցությունը»:
Ավստրիայի ֆինանսների նախարար Հանս Յորգ Շելլինգը ահաբեկչությունը համարել է աշխարհի բոլոր երկրների գերխնդիրը: Նա ասել է.«Ծայրահեղական խմբավորումների ոճրագործությունները ոչ մի առնչություն չունեն աշխարհի կրոնների ու դավանանքների հետ»:
Ավստրիայի ֆինանսների նախարարի գլխավորած ֆինանսական ու տնտեսական բարձրաստիճան պատվիրակությունն այցելել է Իրան:
