Իրանի արտգործնախարարը ժամանել է Բեռլին
Գերմանիայի պաշտոնատարների հետ բանակցելու նպատակով, երկուշաբթի օրը Բեռլին է ժամանել Իրանի արտգործնախարարը: Նրան դիմավորել են Գերմանիայի պաշտոնատարները:
Իրանի ռադիո-հեռուստատեսության լրատվական գործակալության հաղորդման համաձայն, գերմանացի իր պաշտոնակից Զիգմար Գաբրիելի հրավերով Բեռլին այցելած Մոհամմեդ Ջավադ Զարիֆը հանդիպում և զրույց է ունենալու Գերմանիայի նախագահի, արտաքին գործերի, ֆինանսների և էկոնոմիկայի, ինչպես նաև էներգետիկայի նախարարների հետ: Հանդիպումների ընթացքում քննարկվելու են միջազգային հարցեր, և երկկողմ, հատկապես` Թեհրան-Բերլին տնտեսական համագործակցություններին առնչվող հարցեր:
Իրանի արտգործնախարարը ելույթ է ունենալու Եվրոպայի արտաքին հարաբերությունների խորհրդի նիստի բացման հանդիսությանը:
երկօրյա այցի ընթացքում Զարիֆը ելույթ է ունենալու նաև «Քորբեր» հեղինակավոր կենտրոնում, ինչպես նաև գերմանական ընկերությունների ղեկավարների ու գործարարների նիստում:
Գերմանիայից հետո, Իրանի արտգործնախարարն ուղևորվելու է Բրիտանիա, որտեղ հանդիպում է ունենալու այդ երկրի վարչապետի և արտգործնախարարի հետ:
