ԱՄՆ-ն՝ միջազգային ահաբեկչության գլխավոր հեղինակը
Իրանի դատական իշխանության մարդու իրավունքների շտաբի քարտուղարն ասել է. «ԱՄՆ-ի կառավարությունը, որպես միջազգային ահաբեկչության գլխավոր հեղինակ, այսօր վտանգավոր ընթացք է որդեգրել և դա Իրանում ահաբեկչական հոսանքներին թև-թիկունք կանգնելն է»:
Իրանի դատական իշխանության մարդու իրավունքների շտաբի քարտուղար Մոհամմեդ Ջավադ Լարիջանին կիրակի օրը Թեհրանում լրագրողների հետ զրույցի ժամանակ անդրադառնալով վեց երկրների քաղաքացիների մուտքն ԱՄՆ արգելող օրենքի գործադրմանն, ասել է. «ԻԻՀ-ն ապացուցել է, որ մասնակից չի եղել աշխարհում իրականացված ահաբեկչական քայլերից ոչ մեկին, քանի որ նման կոտորածները դեմ են իսլամ կրոնին ու մշակույթին»:
Վեց երկրների քաղաքացիների մուտքն ԱՄՆ արգելելու մասին ԱՄՆ նախագահ Դոնալդ Թրամփի հրամանագիրը հունիս 29-ին գործադրման հանձնվեց՝ հիմք ընդունելով այդ երկրի գերագույն ատյանի վերջին վճիռը: Այս հրամանագիրը 90 օրով արգելում է Իրանի, Լիբիայի, Սումալիի, Սուդանի, Սիրիայի ու Եմենի քաղաքացիների մուտքն ԱՄՆ և 120 օրով դադարեցնում է փախստականների ընդունումը:
«Իրանի պատասխան քայլը պիտի լրջորեն ուղղված լինի Իրանում ու Միջին Արևելքի տարածաշրջանում ահաբեկչության դեմ պայքարին և Իրանի պատասխան քայլը հիմնավորվելու է ԱՄՆ-ի կողմից ներկայացված պատրվակներով»,-հավելել է Լարիջանին:
Իրանի դատական իշխանության մարդու իրավունքների շտաբի քարտուղարն ընդգծել է. «Իրանը պաշտպանելով աշխարհում բռնահարվածներին ու նրանց ովքեր ԱՄՆ-ի ուղղակի կամ անուղղակի ոճրագործությունների զոհ են դարձել, բացահայտումներ է կատարում համաշխարհային ասպարեզում»:
