Ղասեմի.«ԱՄՆ-ն վտանգում է Համատեղ գործողությունների համապարփակ ծրագրի հաջող իրագործումը»
Իրանի ԱԳ նախարարության խոսնակն ասել է.«ԱՄՆ Ներկայացուցիչների պալատը Իրանի դեմ ոչ միջուկային շրջափակումներ սահմանելու օրինագիծ ընդունելով, վտանգում է Համատեղ գործողությունների համապարփակ ծրագրի հաջող իրագործումը, որը բազմակողմանի ու միջազգային համաձայնություն է»:
Դատապարտելով ԱՄՆ ներկայացուցիչների պալատի կողմից Իրանի դեմ շրջափակումներ կիրառելու օրինագծի վավերացումը, Բահրամ Ղասեմին նշել է.«ԱՄՆ-ն պետք է կատարի ՀԳՀԾ-ի շրջանակում ստանձնած իր պարտավորությունները և երկրների ներքին որոշումները չեն կարող պատրվակ հանդիսանալ միջազգային պատասխանատվության սկզբունքից խույս տալու համար»:
Ղասեմիի խոսքով՝ Իրանի իսլամական հանրապետությունը մինչ այժմ հավատարիմ է եղել ՀԳՀԾ-ի շրջանակում ստանձնած իր պարտավորություններին և ակնկալում է, որպեսզի պայմանագիրը ստորագրած մյուս երկրները,այդ թվում ԱՄՆ-ի իշխանությունները ևս հավատարիմ մնան իրենց հանձնառություններին:
Նշելով, որ հակաիրանական շրջափակումների օրինագծի վավերացումը խախտում է ՀԳՀԾ-ի ոգին ու կետերը, Ղասեմին հստակեցրել է.«Իրանի իսլամական հանրապետությունը ազգային շահերի ապահովման շրջանակում համարժեք քայլ կկատարի»:
