Տարբեր գիտություններում կարողությունների ընդլայնմամբ իսլամական Իրանը առավել հզոր է դառնում
ԻԻՀ նախագահն ընդգծեց, որ տարբեր գիտություններում կարողությունների ընդլայնմամբ, իսլամական Իրանը առավել հզոր է դառնում:
ԻՌՆԱ-ի հաղորդման համաձայն, ԻԻՀ նախագահ Հասան Ռոհանին հինգշաբթի գիշեր «Ինսթագրամ»-ում կատարած գրառման մեջ նշեց. «Այսօր Իրանի համար մեծ նշանակություն ունեն տիեզերական գիտություններն ու տեխնոլոգիան և գիտության տարբեր բնագավառներում ԻԻՀ-ի կարողությունների ընդլայնմամբ, առավել մեծանում են մեր երկրի փառքն ու հզորությունը»:
«ՀԳՀԾ-ից հետո պատեհ առիթ է ստեղծվել, որպեսզի թե օգտվենք ուրիշների փորձից և թե մեր գիտնականների ու փորձագետների կրկնակի ջանի ու վճռակամության արդյունքում կարողանանք այնպիսի նվաճումներ ունենալ, որոնք հանգեցնելու են ազգային զարգացման»,-ընդգծել է Ռոհանին:
Հինգշաբթի օրը արբանյակ փոխադրող «Սիմորղ» հրթիռը հաջողությամբ տիեզերք արձակվելուց հետո, Իրանի պաշտպանության նախարար զորավար Հոսեյն Դեհղանի ներկայությամբ պաշտոնապես շահագործման հանձնվեց «Էմամ Խոմեյնի» տիեզերական ազգային բազան:
