Հաստատվել է Իրանում Մոսադդեղի կառավարության դեմ հեղաշրջման գործում Բրիտանիայի դերակատարությունը
Վերջերս գաղտնի կարգավիճակից հանված ԱՄՆ Պետքարտուղարության փաստաթղթերը հաստատում են 1953 թվականին Իրանում Մոսադդեղի կառավարության դեմ պետական հեղաշրջման գործում Բրիտանիայի դերակատարությունը:
Financial Times օրաթերթի գրությամբ, ԱՄՆ Պետքարտուղարության վերջերս հրապարակած փաստաթղթերն ապացուցում են, որ 1952 թվականի նոյեմբերին Բրիտանիայի կառավարությունն ԱՄՆ-ին կոչ է արել միանալ Իրանի ժամանակի վարչապետ ՝ Մոհամմեդ Մոսադդեղի կառավարության կործանման նպատակով կազմակերպվող պետական հեղաշրջմանը:
Օրաթերթի գրությամբ, ԱՄՆ Պետքարտուղարության փաստերը նոր տեղեկություններ են բացահայտում Իրանի ժամանակի քաղաքական միջավայրից Բրիտանիայի գնահատման և Թեհրանում իր շահերը վտանգվելու կապակցությամբ այդ երկրի նախազգուշացման մասին:
Փաստաթղթերը բացահայտել են ԱՄՆ ազգային անվտանգության արխիվի մասնավոր գործակալության երկու փորձագետներ, որոնց կարծիքով դրանք առաջին ապացույցներն են այն բանի, որ Բրիտանիայի կառավարությունն ԱՄՆ-ին խրախուսել է օգնել Մոսադդեղի կառավարության կործանման հարցում:
