Զարիֆ. ՀԳՀԾ-ից ԱՄՆ-ի հրաժարումը կհանգեցնի այդ երկրի մեկուսացմանը
ԻԻՀ ԱԳ նախարարն արձագանքելով միջուկային համաձայնությունից Թրամփի հրաժարվելու կապակացությամբ ՄԱԿ-ում ԱՄՆ նախկին ներկայացուցիչ Ջոն Բոլտոնի վերջին նախագծին, ասել է. «Այդ նախագծի գործադրումը պարտություն կբերի ԱՄՆ-ին և կհանգեցնի միջազգային ասպարեզում այդ երկրի առավել մեկուսացմանը»:
ԻԻՀ ԱԳ նախարար Մոհամմեդ Ջավադ Զարիֆը երեքշաբթի գիշեր ասել է. « 10 տարի առաջ Բոլտոնը բարձրացրեց Իրանի կողմից ուրանի հարստացումը կանխող քաղաքականության հարցը և պատճառ դարձավ, որ Իրանի ցենտրիֆուգների թիվը 200-ից բարձրացվի շուրջ 20000-ի: Իրականում Բոլտոնի քաղաքականության արգասիքն Իրանում 19800 նոր ցենտրիֆուգների տեղադրումն էր»:
«ԱՄՆ ժողովուրդը տեղյակ է Բոլտոնի և նրա նմանների կողմից հետապնդվող քաղաքականությունների ձախողման մասին և այդ պատճառով էլ ԱՄՆ-ում նրանց առաջարկները լսողներ չկան: Միջազգային հանրությունն ամերիկացիներին հիշեցրել է, որ նման քաղաքականությանը հետևելը հանգեցնելու է ԱՄՆ-ի մեկուսացմանը»,-հավելել է Զարիֆը:
Իրանի արտաքին դիվանագիտության ղեկավարը նաև ընդգծել է, որ անխոհեմության և ուժի տրամաբանության վրա հիմնված քաղաքականության ձախողումը բազմիցս ապացուցվել է: Անդրադառնալով Սիրիայի զարգացումներին, նա նշել է. «Վեց տարի է ինչ Սիրիայի ժողովուրդը դիմադրում է ահաբեկչական խմբերի հարձակումներին»:
