ԻԻՀ ԱԳ նախարարը բացառել է ՀԳՀԾ-ի շուրջ կրկին բանակցելու հնարավորությունը
ԻԻՀ ԱԳ նախարարը բացառել է ՀԳՀԾ-ի շուրջ կրկին բանակցելու հնարավորությունը:
ԻՌՆԱ-ի հաղորդման համաձայն, Մոհամմեդ Ջավադ Զարիֆը Նյու Յորքում «Ասոշիեյթեդ պրես»-ին տված հարցազրույցում նշել է, որ Իրանի միջուկային ծրագրերի շուրջ կրկին բանակցության նստելու հավանականության շուրջ ԱՄՆ նախագահ Դոնալդ Թրամփի որոշ մերձավորների պատկերացումները սին երազանքներ են: Նա ասել է. «ՀԳՀԾ-ի կետերում ցանկացած փոփոխություն կարող է բազմաթիվ խնդիրներ առաջացնել»:
Մոհամմեդ Ջավադ Զարիֆն արձագանքելով Իրանի կողմից հրթիռային փորձարկման կապակցությամբ Դոնալդ Թրամփի վերջին հայտարարություններին, դրանք մտահոգիչ է համարեց և ասել. «Նախքան որևէ հայտարարություն անելը, Թրամփը պետք է քննարկի ճշմարտություններն ու ստուգի հայտարարությունների իրավացիությունը»:
ԻԻՀ ԱԳ նախարարը Թրամփի միգրացիոն հրամանագրում վերջին փոփոխությունների մասին ասել է. «Թրամփը քաղաքական անհիմն պատճառներով թշնամիներ է որոնում այնպիսի ժողովուրդների մոտ, որոնք մինչ այսօր որևէ մեկին վնաս չեն պատճառել»:
Մոհամմեդ Ջավադ Զարիֆն Իրաքի Քուրդիստանի տարածքում անջատման հանրաքվեի մասին ասել է «Այս հանրաքվեն վնասում է տարածաշրջանի անվտանգությանը»:
