Մեկնարկել է Եվրամիության և Իրանի միջուկային անվտանգության համակարգի կենտրոնի գործնական համագործակցությունը
Իրանի և Եվրամիության նոր համագործակցության շրջանակում, Թեհրանում կայացել են միջուկային անվտանգության համակարգի վերապատրաստման առաջին դասընթացները:
Ինչպես հաղորդում է ԻՌՆԱ լրատվական գործակալությունը, Թեհրանում ընթացող վերապատրաստման դասընթացների թեման է.«Մի ատոմակայանի անվտանգության համապարփակ գնահատման սթրես-թեսթերի իրականացումը և վերահսկողական շրջանակի ստեղծումը»:
Իրանի միջուկային համակարգի տեխնիկական կարողությունների մակարդակի բարձրացման նախագծի իրականացման շրջանակում, 2017 թվականի հուլիսին ընդունվեց «Մասնագիտական տարբեր դասընթացների անցկացման» մասին որոշումը:
Այդ նախագիծը Եվրամիության աջակցությամբ իրականանում է Համատեղ գործողությունների համապարփակ ծրագրի 3-րդ հավելվածի շրջանակում:
ՀԳՀԾ-ն 2015 թվականի հուլիսին ստորագրվեց Իրանի և «5+1» խմբի կողմից:
Իրանի միջուկային անվտանգության համակարգի տեխնիկական կարողությունների մակարդակի բարձրացման նախագիծը վավերացվել է 2016 թվականին:
