Էրդողանն Իրանում է

Թուրքիայի նախագահն Իրան է ժամանել ՝ ԻԻՀ-ի պետայրերի հետ հանդիպելու նպատակով:

Ռեջեբ Թայիբ Էրդողանի գլխավորած քաղաքա-տնտեսական բարձրաստիճան պատվիրակության կազմում են Թուրքիայի ԱԳ նախարար Մևլութ Չավուշօղլուն, էկոնոմիկայի նախարար Նիհադ Զեյբեկչին  և բնական պաշարների ու էներգետիկայի նախարար Բերաթ Ալբայրաքը:

Էրդողանի Իրան կատարած երրորդ այցը թեև  իրականացվում է երկկողմ փոխայցելությունների շրջանակում, սակայն այցը ներկայացնում է կրկնակի նշանակություն՝ պայմանավորված տարածաշրջանային լուրջ զարգացումներով:

Թուրքիայի նախագահի այցը կայանում է այնպիսի պայմաններում, երբ կիրակի օրն այդ երկրի բանակի գլխավոր շտաբի պետ, մարշալ Հուլուսի Աքարի գլխավորած ռազմական պատվիրակությունը Թեհրան էր այցելել: