Իրանի ու Թուրքիայի նախագահները հանդես են եկել համատեղ հայտարարությամբ
ԻԻՀ-ի և Թուրքիայի նախագահները համատեղ հայտարարությամբ և հիմք ընդունելով երկու ժողովուրդների միջև եղբայրական ու բարեկամական կապերն ընդգծել են Թեհրանի ու Անկարայի միջև երկկողմ ու բազմակողմ համագործակցությունների ամրապնդման ուղղությամբ քաղաքական վճռակամության առկայությունը:
Իրանի և Թուրքիայի նախագահներ Հասան Ռոհանին և Ռեջեբ Թայիբ Էրդողանը չորեքշաբթի օրն այս հայտարարությամբ իրենց գոհունակությունը հայտնելով երկու երկրի համագործակցությունների ընդլայնման ուղղությամբ ռազմավարական համագործակցության գերագույն խորհրդի գործունեությունից, ընդգծել են երկու երկրի միջև խորհրդարանական հարաբերությունների ընդլայնման անհրաժեշտությունը:
Իրանն ու Թուրքիան որպես միջազգային հարցերի կարգավորման համար բազմակողմ դիվանագիտության հաջողության վառ ապացույց, ընդգծել են ՀԳՀԾ-ի նշանակությունը:
Երկու երկրի նախագահները համատեղ հայտարարության մեջ նաև օրինականությունից զուրկ են համարել Իրաքի Քուրդիստանի տարածքի անջատման հանրաքվեն և ընդգծել, որ Իրանն ու Թուրքիան պաշտպանելու են Իրաքի տարածքային ամբողջականության և քաղաքական միատարրության պահպանման ուղղությամբ Իրաքի կառավարության քայլերը:
Ռոհանին ու Էրդողանը դատապարտելով ռոհինգյա մուսուլմանների դեմ ծայրահեղական ցանկացած քայլերն ու ոճրագործությունը և Մյանմայի մարդկային աղետը, այդ երկրի կառավարությանը կոչ են արել հնարավորինս շուտ վերջ տալ մեծ թվով մուսուլմանների անօթևանության պատճառ դարձած սոսկալի վիճակին:
