«Թեհրանը և Բաքուն ցանկանում են խորացնել և զարգացնել համագործակցությունները».Ռոհանի
«Համագործակցությունների բազմակողմանի խորացումը և զարգացումը Թեհրանի և Բաքվի կամքն է».ասել է Իրանի իսլամական հանրապետության նախագահը:
Չորեքշաբթի օրը Թեհրանում Ադրբեջանի նախագահ Իլհամ Ալիևի հետ ունեցած հանդիպմանը, Հասան Ռոհանին կարևոր է որակել Թեհրանի և Բաքվի հարաբերությունների ու համագործակցությունների զարգացումն, ասելով .«Պետք է առավել քան երբևէ օգտվել երկու երկրի կարողություններից»:
Նախագահ Ռոհանին Իրանի Ռաշթ-Ադրբեջանի Աստարայի համատեղ երկաթգծի կառուցումը համարել է հյուսիս-հարավ միջանցքի տարանցիկ ուղու զարգացմանն ուղղված կարևոր քայլ, հավելելով.«Այդ տարանցիկ ճանապարհից կարելի է օգտվել Օմանի ծովի ու Պարսից ծոցի շրջանից Կովկաս ու արևելյան եվրոպա ապրանքափոխադրման համար»:
ԻԻՀ նախագահն ընդգծել է առտրական հարաբերություններում, մաքսային սակագներում դյուրություններ ստեղծելու, բանկային հարաբերությունների զարգացման և համատեղ ներդրումների մեծացման համար ազգային դրամական միավորի օգտագործման անհրաժեշտությունը:
Իլհամ Ալիևն ասել է .«Եռակողմ հարաբերությունների զարգացումը և հյուսիս-հարավ միջանցքի տրանսպորտի ոլորտում համագործակցության խորացումն անշուշտ կարող է լավ արդյունքներ ունենալ»:
«Իրանը կարևոր դեր ունի տարածաշրջանում կայունության ու խաղաղության հաստատման, նաև ահաբեկչության դեմ պայքարի ոլորտներում».-ասել է Ադրբեջանի նախագահը:
