Ռոհանի. ԻԻՀ համակարգը պարտական է ուսանողներին
ԻԻՀ նախագահն ընդգծել է, որ ԻԻՀ համակարգը պարտական է ուսանողներին ու երիտասարդներին: Նա հավելել է. «Ուսանողությունը հոգևորականության ու ժողովրդի կողքին հեղափոխության համար իր կուրծքը վահան դարձրեց»:
ԻԻՀ նախագահ Հասան Ռոհանին Իրանի հարավ-արևելյան Սիսթան և Բալուչեստանի համալսարանում ուսանողության օրվա հանդիսության ժամանակ նշելով, որ ուսանողներին իսլամական ու ազգային արժեքների պաշտպանն են ընդգծել է. «Իրանի համալասարանները պետք է համագործակցեն միմյանց ու աշխարհի գիտական կենտրոնների հետ»:
Իրանում դեկտեմբերի 7-ին նշվում է ուսանողության օրը: 1953 թվականին ԱՄՆ-ի ժամանակի նախագահի տեղակալ Ռիչարդ Նիքսոնի Իրան կատարած այցի հետ միաժամանակ ուսանողությունն ի նշան բողոքի Իրանում ԱՄՆ-ի միջամտությունների դեմ, ցույց կազմակերպեց, որը ճնշվելով Փահլևիի ռեժիմի զորայինների միջոցով Թեհրանի համալսարանի դիմաց երեք ուսանողների նահատակության պատճառ դարձավ:
Ռոհանին ընդգծել է, որ ԻԻՀ-ն այսօր տարածաշրջանի խնդիրների կարգավորման հիմնասյունն է համարվում: Նա հավելել է. «ԻԼԻՊ-ին պարտության մատնելով Իրաքի ու Սիրիայի ժողովուրդների կողքին Իրանի կատարած աշխատանքը մեծ սադրանքին վերջակետ դրեց»:
ԻԻՀ նախագահն այսօր աշխարհի 27 երկրների պաշտոնատարների ներկայությամբ կատարելու է Չաբահարի «Շահիդ Բեհեշթի» նավահանգստի առաջին բլոկի բացումը:
