Սալեհի.«ՄԱԳԱՏԷ-ն ՀԳՀԾ-ին Իրանի հավատարմությունը հաստատող կառույցն է»
Իրանի ատոմային էներգիայի կազմակերպության ղեկավարն ասել է.«Համատեղ գործողությունների համապարփակ ծրագրին Իրանի հավատարմությունը հաստատող կառույցը ՄԱԳԱՏԷ-ն է, որը մինչ այսօր 9 անգամ հաստատել է Իրանի հավատարմությունը»:
ԱՄՆ նախագահ Դոնալդ Թրամփը երկուշաբթի երեկոյան ԱՄՆ ազգային անվտանգության ռազմավարության մասին ելույթի ժամանակ ՀԳՀԾ-ն վատ համաձայնագիր է համարել.«Կոնգրեսին հղած զեկույցում ես չեմ հաստատել միջուկային համաձայնագրին Իրանի հավատարմությունը», ասել է նա:
Հակադարձելով ԱՄՆ նախագահի հայտարարությանը, Ալի Աքբար Սալեհին հերքել է Իրան-Վեցյակ միջուկային համաձայնագրի T կետը փոխելու ՄԱԳԱՏԷ-ի գլխավոր տնօրեն Յուկիա Ամանոյի դիմումը: Նա նշել է,որ Ամանոն և Իրանի ատոմային էներգիայի կազմակերպությունը այդ կետի շուրջ համակարծիք են:
Նշենք,որ T կետն ընդգրկում է այն բոլոր գործողությունները, որոնք կարող են կիրառվել միջուկային պայթուցիկ սարքի նախագծման ու զարգացման մեջ, ինչը արգելված է հայտարարվել Համատեղ գործողությունների համապարփակ ծրագրում:
