Հայաստանը Իրանի հետ էլեկտրաէներգիայի փոխանակման հիմնական գործընկերներից մեկն է
Շեշտը դնելով հարևան երկրների հետ էներգետիկ համագործակցության ընդլայնման վրա՝ էներգետիկայի նախարարը հայտարարեց, որ Իրանի էլեկտրաէներգիայի փոխանակումները տարածաշրջանի յոթ երկրների, այդ թվում՝ Հայաստանի հետ, անընդհատ շարունակվում են, և օրակարգում է նաև այդ համագործակցության ընդլայնման ծրագիրը։
Pars Today-ի փոխանցմամբ՝ Աբբաս Ալիաբադին, ելույթ ունենալով Ռուդշուրի էլեկտրակայանի գոլորշու հատվածի բացման արարողության ժամանակ, ասել է, որ Իրանն այժմ էլեկտրաէներգիա է փոխանակում Հայաստանի, Ադրբեջանի, Թուրքմենստանի, Թուրքիայի, Իրաքի, Աֆղանստանի և Պակիստանի հետ։ Նա հավելել է, որ ուսումնասիրություններ և բանակցություններ են ընթանում նաև տարածաշրջանի այլ երկրների հետ էլեկտրաէներգիայի կապերի ընդլայնման ուղղությամբ։
Էներգետիկայի նախարարը հարևանների հետ էլեկտրաէներգիայի ոլորտում համագործակցության զարգացումը համարեց տնտեսական հարաբերությունների ամրապնդման և տարածաշրջանային ինտեգրման բարձրացման գործոն և ընդգծեց, որ այդ փոխազդեցությունները կարող են նպաստել տարածաշրջանի երկրների կայուն զարգացմանը և ավելի մեծ բարգավաճմանը։
Ալիաբադին նաև հայտարարեց երկրի էլեկտրաէներգիայի ցանցի «խելացիացման» մասին՝ ասելով, որ Իրանի էլեկտրաէներգիայի ցանցի ավելի քան 60 տոկոսն այժմ ձեռք է բերել տեսանելիություն և կառավարելիություն։ Նրա խոսքով՝ այս ընթցքը կշարունակվի և կնպաստի ցանցի արդյունավետության և կայունության բարձրացմանը։
Նա նաև հիշատակեց Ռուդշուրի էլեկտրակայանի գոլորշու հատվածի շահագործումը և հայտարարեց, որ այս հատվածի գործարկմամբ երկրի էլեկտրաէներգիայի արտադրության հզորությանը ավելացել է 345 մեգավատ, իսկ Իրանի էլեկտրակայանի հզորությունը գերազանցել է 135,000 մեգավատը։