Լարիջանի. Անվտանգության հարցերում Իրանի ու Թուրքիայի համագործակցությունն անհրաժեշտ է
Իրանի իսլամական խորհրդարանի նախագահն ասել է. «Ամերիկացիները դեռևս Սիրիայում արկածախնդրության են ձգտում և այդ պատճառով անվտանգության հետ կապված հարցերում Իրանի ու Թուրքիայի համագործակցությունն անհրաժեշտ է»:
Ալի Լարիջանին երկուշաբթի երեկոյան Թեհրանում Իսլամական համագործակցության կազմակերպության անդամ երկրների միջխորհրդարանական միության 13-րդ համաժողովին առընթեր Թուրքիայի խորհրդարանի նախագահ Իսմայիլ Ղահրամանի հետ հանդիպման ժամանակ ասել է. «Ամերիկացիները նպատակ ունեն տարածաշրջանի երկրներում իրավիճակն անհանդարտացնել և դրա ապացույցներն ակնհայտ են»:
«Ամերիկացիները մտադիր են կրճատել Պաղեստինի ու Ղոդսի հարցը, սակայն չպիտի թույլ տալ, որ Պաղեստինի հարցը քավության նոխազ դառնա ու այդ կապակցությամբ Թուրքիան կարևոր դերակատարություն կարող է ունենալ»,-հայտարարել է Իրանի իսլամական խորհրդարանի նախագահն ընդգծելով Պաղեստինի ժողովրդին ու սուրբ Ղոդսը պաշտպանելու անհրաժեշտությունը:
Հանդիպման ժամանակ Թուրքիայի խորհրդարանի նախագահ Իսմայիլ Ղահրամանն անդրադարձել է տարածաշրջանում խաղաղության հաստատման ուղղությամբ Իրանի ու Թուրքիայի կարևոր դերակատարությանը:
Նա նշել է, որ ահաբեկչության դիմակայման ուղղությամբ ԱՄՆ-ի ընդունած որոշումները սխալ են: «Ահաբեկչական մի խմբի դեմ պայքարելու նպատակով չի կարելի պաշտպանել ահաբեկչական մեկ այլ խմբի». ասել է Ղահրամանը:
