Պահակազորի ցամաքային ուժի հրամանատար. ԻԼԻՊ-ի ահաբեկիչների հետ բախումներն ավարտվեցին
Իրանի իսլամական հեղափոխության պահակազորի ցամաքային ուժի հրամանատարը հայտարարելով երկրի արևմուտքում ահաբեկչական-թաքֆիրական խմբի հետ պահակազորի ցամաքային ուժերի «Նաջաֆ Աշրաֆ» զորակայանի ռազմիկների բախումն ավարտվելու մասին, ասել է. «Այս բախումների ժամանակ կալանավորվել են 16 և սպանվել 5 ահաբեկիչներ»:
«Սեփահ Նյուզ»-ի հաղորդման համաձայն, բրիգադային գեներալ Մոհամմեդ Փաքփուրը կիրակի օրն ասել է. «ԻԼԻՊ ահաբեկչական-թաքֆիրական խմբի ահաբեկիչների և պահակազորի ցամաքային ուժի «Նաջաֆ Աշրաֆ» զորակայանի ռազմիկների շաբաթ առավոտյան տեղի ունեցած բախման ընթացքում, երեք ահաբեկիչներ, հայտնվելով պաշարման օղակի մեջ , պայթեցրեցին իրենց կրած պայթուցիկ բաճկոնները»:
Պահակազորի ցամաքային ուժի հրամանատարը հայտարարել է, որ ԻԼԻՊ թաքֆիրական-սիոնիստական ահաբեկիչների հետ բախումը տևել է ավելի քան 30 ժամ: «Բախման ժամանակ նահատակվեցին պահակազորի ցամաքային ուժի «Նաջաֆ Աշրաֆ» զորակայանի երեք քաջարի ռազմիկներ». ասել է նա:
Բրիգադային գեներալ Մոհամմեդ Փաքփուրը նշելով, որ ձերբակալված ահաբեկիչների մեծ մասը օտարերկրյա քաղաքացիներ են, ընդգծել է. «Պահակազորի ցամաքային ուժի ռազմիկներն անվտանգության, տեղեկատվական, զինվորական ու իրավապահ այլ կառույցների և տարածքի տեղական ուժերի համագործակցությամբ տիրապետելով ահաբեկչական ու հակահեղափոխական խմբերի ցանկացած տեղաշարժին, կտրուկ պատասխան է տալու նրանց»:
