Իրանի ՊՆ. «ԱՄՆ-ն փորձում է ԻԼԻՊ-ի ռազմաբազան տեղափոխել Աֆղանստան»
ԻԻՀ Պաշտպանության և Զինված ուժերի աջակցման նախարարն ասել է.«ԱՄՆ-ն ցանկանում է ԻԼԻՊ ահաբեկչական խմբավորումը Սիրիայից ու Իրաքից տեղափոխել Աֆղանստան»:
Կիրակի օրը Աֆղանստանի պաշտպանության նախարար Թարիղ Շահ Բահրամիի հետ ունեցած հեռախոսազրույցի ընթացքում բրիգադային գեներալ Ամիր Հաթամին հստակեցրել է.«Ամերիկացիներն ԻԼԻՊ-ը ստեղծեցին, որպեսզի նրանց ղեկավարեն Սիրիայում ու Իրաքում և այժմ՝ այդ հանցավոր խմբավորումը Աֆղանստան տեղափոխելով արդարացնել իրենց ներկայությունն այդ երկրում»:
Գեներալ Հաթամին ասել է.«Ամերիկացիներն ապացուցել են, որ մուսուլմանների թշնամին են: Ղոդսը սիոնիստների մայրաքաղաք հայտարարելն ԱՄՆ-ի ևս մեկ թշնամական ու կեղծ դեմքն է ցույց տալիս մուսուլմանների նկատմամբ»:
Գեներալ Հաթամիի խոսքով՝ տարածաշրջանային անվտանգության հաստատումը միայն տարածաշրջանի երկրների դրական կողմնորոշմամբ կարող է իրականություն դառնալ:
Աֆղանստանի Պաշտպանության նախարար Թարիղ Շահ Բահրամին էլ իր հերթին ասել է.«Իրանը և Աֆղանստանը չպետք է անտեսեն ընդհանուր թշնամուն, այլ պետք է ահաբեկչության դեմ պայքարում համագործակցեն միմյանց հետ»:
