Նախագահ Ռոհանի .«Իրանի և Հնդկաստանի հարաբերությունները չեն վնասում ոչ մի երկրի»
Նշելով, որ Թեհրանի և Նոր Դեհլիի հարաբերությունները չեն վնասում ոչ մի երկրի , ԻԻՀ նախագահն ասել է .«Երկկողմ և տարածաշրջանային հարաբերությունները խորացնելու և ընդլայնելու մեծ հնարավորություններ կան»:
Նոր Դեհլիում Հնդկաստանի վարչապետ Նարենդրա Մուդիի հետ ունեցած հանդիպմանը, Իրանի Իսլամական հանրապետության նախագահ Հասան Ռոհանին կարևոր է որակել էներգետիկայի և տրանսպորտի ոլորտներում ռազմավարական համագործակցությունը: Նա հավելել է. «Չաբահարի նավահանգիստը որպես Աֆղանստանին, կենտրոնական Ասիային ու արևելյան Եվրոպային Հնդկաստանը միացնող կամուրջ, կարող է ամրապնդել Իրան-Հնդկաստան և տարածաշրջանային կապերը»:
«Թեհրանը պատրաստ է եռակողմ ու բազմակողմանի համաձայնագրեր ստորագրել, որպեսզի Չաբահարից անցնող տարանցիկ ճանապարհը դառնա տարածաշրջանային հարաբերությունները խթանող ստրատեգիական նշանակության անցուղի».հավաստիացրել է նախագահ Ռոհանին:
ԻԻՀ նախագահի խոսքերով, Թեհրանը կարող է երկարատևում ապահովել Հնդկաստանին անհրաժեշտ էներգիան:
Հանդիպմանը Հնդկաստանի վարչապետն ասել է .«Հնդկական ընկերությունները պատրաստ են Իրանում ներդրումներ կատարել նավթի ու գազի , նաև համատեղ համագործակցության ոլորտներում»:
«Չաբահարի նավահանգիստը կարող է փոխել տարածաշրջանի և աշխարհի առևտրական հարաբերությունները: Հնդկաստանը սկսել է բերքերի, այդ թվում ցորենի արտահանումը». ասել է Նարենդրա Մուդին:
