Ռոհանի.«Հարևան երկրների ու աշխարհի հետ կառուցողական համագործակցությունը Իրանի սկզբունքային քաղաքականություններից է»
Իիանի Իսլամական Հանրապետության նախագահը հարևան երկրների և աշխարհի հետ կառուցողական գործակցությունը Իրանի սկզբունքային քաղաքականություններից է համարել:
Երեքշաբթի օրը երկրի մի խումբ նախարարների, նահանգապետների ու գործադիր մարմինների տնօրենների հետ ունեցած նոռուզյան հանդիպման ժամանակ ԻԻՀ նախագահ Հասան Ռոհանին ասել է.«Հարևան երկրների ու աշխարհի հետ կառուցողական գործակցությունն անշուշտ շահավետ է լինելու Իրանի համար: Այս քաղաքականությանն առավել քան երբևէ կհետևենք հատկապես Իրանական ապրանքներին աջակցելու տարում»:
Իսլամական հեղափոխության մեծարգո առաջնորդն Իրանական Նոր տարին՝ արեգակնային հիջրեթի 1397 թվականը հռչակել է«Իրանական ապրանքներին աջակցելու տարի»:
Նշելով,որ իրանական ապրանքներին աջակցելու տարվա ընթացքում հասարակության մեջ հույսի ու կենսունակության ամրապնդումը և աշխատանքի ու արտադրության համար նպաստավոր մթնոլորտ ստեղծելը Իրանի բոլոր պատասխանատուների պարտականությունն է, Ռոհանին հավելել է.«Կառավարությունը մեծ քայլեր է կատարել աշխատատեղերի ստեղծման և աղքատության դեմ մղվող պայքարում, և այդ քայլերն այս տարի ևս արագ տեմպերով կշարունակվեն»:
Իրանի Իսլամական Հանրապետության նախագահը հույս է հայտնել,որ արեգակնային հիջրեթի 1397 թվականը կլինի բարիքներիով լեցուն և ժողովրդի համար միասնության, եղբայրության ու անվտանգության առավել ամրապնդման տարի:
