Նամդար Զանգանե. «Նավթի համաշխարհային շուկան պետք է լինի ոչ-քաղաքական»
«Նավթի համաշխարհային շուկան պետք է լինի ոչ-քաղաքական, քանի որ միջամտությունները խանգարում են նրա աշխատանքին». ասել է Իրանի Իսլամական Հանրապետության նավթի նախարարը:
ԻՌՆԱ գործակալության փոխանցմամբ՝ կիրակի օրը Թեհրանում կայացած նավթի, գազի, պերոքիմիայի 23-րդ միջազգային ցուցահանդեսում Բիժան Նամդար Զանգանեն ասել է. «Իրանն այն երկիրը չէ, որը կարելի է անտեսել նավթի ու էներգետիկայի համաշխարհային շուկայում: Իրանը մշտապես ձգտել է նավթի նպատակահարմար գներ սահմանել, որպեսզի արտադրողները խրախուսվեն և համաշխարհային շուկան չլինի անկայուն»:
Նշելով, որ նավթարդունաբերությունը կարող է դառնալ Իրանի տնտեսության առաջատար ճյուղը նախարար Զանգանեն ասել է. «Այս արդյունաբերությունը նավթային եկամուտներից բացի կարող է նաև տնտեսական խթանող միջավայր ստեղծել»:
Նավթարդյունաբերության 23-րդ միջազգային ցուցահանդեսն իր աշխատանքը սկսել է մայիսի 6-ին Թեհրանում՝ իրանական 1053 և աշխարհի 37 երկրի 600 արտասահմանյան ընկերությունների մասնակցությամբ:
