Ղասեմի.«ԱՄՆ-ը մարդու իրավունքների մասին միայն լոզունգ է հնչեցնում»
«ԱՄՆ-ի կառավարության տեսակետից, մարդու իրավունքները լոզունգ, ճնշման լծակ և քաղաքական հնարք է՝ երկրների հետ բախվելու համար».ասել է Իրանի արտգործնախարարության խոսնակը:
«Երիտասարդ լրագրողների ակումբ» գործակալության հաղորդման համաձայն, Բահրամ Ղասեմին հայտարարել է, որ փախստականների նկատմամբ ԱՄՆ-ի կառավարության վերաբերմունքը և երեխաներին ծնողներից առանձնացնելը հակամարդկային քայլ է:
Քննադատելով ՄԱԿ-ի մարդու իրավունքների կոմիտեի գործելակերպը և այդ կոմիտեից ԱՄՆ-ի դուրս գալը, Ղասեմին ասել է.«Մարդու իրավունքների ոլորտում անկարգությունների մի մասը հետևանքն է մյուս երկրների նկատմամբ այդ կառույցի երկակի ստանդարտների, որում ԱՄՆ-ը անհերքելի դեր է ունեցել»:
Անդրադառնալով միջազգային համաձայնություններից, այդ թվում Փարիզյան դաշինքից ու ՀԳՀԾ-ից ԱՄՆ-ի հրաժարվելուն, Իրանի արտգործնախարարության խոսնակը հավաստիացրել է, որ Դոնալդ Թրամփի քայլերը վկայում են այն մասին, որ ԱՄՆ-ի կառավարությունը չի հարգում իր միջազգային հանձնառությունները:
