ԻԻՀ նախագահը մեկնել է Շվեյցարիա
Երկուշաբթի օրը մեկնարկել է ԻԻՀ նախագահի եվրոպական շրջագայությունը: ԻԻՀ նախագահ Հասան Ռոհանին եվրոպական երկրներ Շվեյցարիայի ու Ավստրիայի ղեկավարների հետ հանդիպելու նպատակով երկուշաբթի օրը ժամանել է Շվեյցարիայի մայրաքաղաք Բեռն:
Մինչ Շվեյցարիա ուղևորվելը, նախագահ Հասան Ռոհանին ընդգծելով, որ մեծ կարևորություն է տալիս Եվրամիության անդամ երկրների,այդ թվում Շվեյցարիայի ու Ավստրիայի հետ հարաբերությունների ամրապնդմանը,ասել է.«Այս երկու երկրներ իմ այցի նպատակն է՝ օգտագործել համագործակցության լայն հնարավորությունները Բեռնի և Վիեննայի հետ հարաբերությունների ամրապնդման համար»:
Ռոհանին հավելել է.«Եվրոպան այսօր պետք է տարածաշրջանային ու միջազգային հարցերում համագործակցի Իրանի և կարևոր ու ազդեցիկ երկրների հետ»:
Նա հստակեցրել է.«Ամերիկացիները չնայած միջազգային օրենքներին և ստանձնած բազմակողմանի պարտավորություններին, դուրս են եկել Համատեղ գործողությունների համապարփակ ծրագրից,բայց միջուկային համաձայնագրի մյուս անդամ երկրները փորձում են պահպանել ՀԳՀԾ-ն»:
Անդրադառնալով Իրանի, Ավստրիայի ու Շվեյցարիայի միջև փաստաթղթերի ստորագրմանը, Ռոհանին ասել է.«Արդյունաբերության, առևտրի, առողջապահության ու տեխնոլոգիայի ոլորտներում բանակցություններ եմ վարելու այս երկու երկրների բարձրաստիճան պաշտոնատարների հետ»:
