Իրան-Հնդկաստան քաղաքական բանակցությունների տասնհինգերորդ փուլը Նոր Դելիում
Այսօր Նոր Դելիում կայացել է Իրան-Հնդկաստան քաղաքական բանակցությունների տասնհինգերորդ փուլը երկու երկրի պետական տարբեր կառույցների ներկայացուցիչների մասնակցությամբ: Այս մասին հաղորդում է ԻՌՆԱ լրատվական գործակալությունը:
Քաղաքական հարցերով Իրանի ԱԳ նախարարի տեղակալ՝ Սեյյեդ Աբբաս Էրաղչին և Հնդկաստանի ԱԳ նախարարի տեղակալ Վիջեյ Գոքալեն քննարկել են Համատեղ գործողությունների համապարփակ ծրագրի հետ կապված վերջին իրադարձությունները և այդ համաձայնագրից ԱՄՆ-ի դուրս գալուց հետո երկու երկրի համագործակցության հետ կապված հարցեր: Նրանք ընդգծել են երկկողմ հարաբերությունների ընդլայնման անհրաժեշտությունը:
Էրաղչին և Գոքալեն Համատեղ գործողությունների համապարփակ ծրագիրը համարել են միջազգային կարևոր ձեռքբերում ընդգծելով բոլոր կողմերի հավատարմությունը այդ հարցում:
Էրաղչին և Գոքալեն նաև բանակցել են երկկողմ համագործակցության ու տարածաշրջանային հարցերի վերաբերյալ:
Սեյյեդ Աբբաս Էրաղչին, ով այցելել է Հնդկաստան, երկուշաբթի օրը հանդիպել է Հնդկաստանի արտաքին գործերի նախարար Մոբաշար Ջավեդ Աքբարի հետ:
