Իրանի արտգործնախարարը դատապարտել է Թուրքիայի դեմ սահմանված պատժամիջոցները
Իրանի արտգործնախարարը դատապարտել է Միացյալ Նահանգների կողմից Թուրքիայի արդարադատության և ՆԳ նախարարների դեմ սահմանված պատժամիջոցները:
ԱՄՆ գանձապահության նախարարությունը հայտարարել է, որ ամերիկացի հոգևորական Բրենսոնի կալանավորման գործով մարդու իրավունքների ոտնահարման հետ կապված պատժամիջոցների ցուցակում ներառվել են Թուրքիայի արդարադատության և ՆԳ նախարարներ Աբդոլհամիդ Գյոլի և Սուլեյման Սոյլուի անունները:
Թուրքիայի իշխանություններն ահաբեկչական գործունեության և Ֆաթոլլահ Գյուլենի կազմակերպության հետ կապեր ունենալու մեղադրանքով 2016 թվականի հոկտեմբերին բերման ենթարկեցին ամերիկացի հոգևորական Էնդրյու Բրենսոնին:
Հինգշաբթի օրը Իրանի արտգործնախարար Մոհամադ Ջավադ Զարիֆը Twitter-ի էջում գրել է. «Երկու թուրք նախարարների դեմ ԱՄՆ-ի կողմից սահմանված անօրինական պատժամիջոցները, ցույց են տալիս, որ ԱՄՆ կառավարությունը ոչ միայն հետապնդում է ճնշման քաղաքականությունը, այլ պատժամիջոցների կիրառման քաղաքականության մեջ որևէ սահմանափակում չունի»:
