Սեպտեմբեր 17, 2023 18:42 Asia/Tehran
  • Սիոնիստական ​​ռեժիմը ձգտում է կոտորել պաղեստինցիներին

Պաղեստինի իսլամական դիմադրության շարժման (ՀԱՄԱՍ) խոսնակն ասել է, որ ավանաբնակներին զինելու Սիոնիստական ​​ռեժիմի ոստիկանության զորքերի որոշ հրամանատարների դիմումը՝ Պաղեստինի ժողովրդին կոտորելու հրապարակային հայտարարություն է։

Պաղեստինյան «Սամա» լրատվական գործակալության հաղորդմամբ՝ ՀԱՄԱՍ-ի խոսնակ Հազեմ Ղասեմը շաբաթ օրն ընդգծել է, որ ավանաբնակներին զինելու բռնազավթիչ ռեժիմի ոստիկանական հրամանատարների դիմումը Պաղեստինի ժողովրդի դեմ ավելի շատ հանցագործություններ կատարելու կոչ է համարվում։

Ղասեմն ասել է,-«Սիոնիստական ​​ռեժիմի իշխանությունների այս ֆաշիստական ​​պահանջը և նմանատիպ այլ պահանջները պետք է  միջազգային հանրության կողմից բացահայտորեն  դատապարտվեն և միջոցներ ձեռնարկվեն միջազգային ատյաններում նրանց պատասխանատվության ենթարկելու համար»:

Հորդանան գետի արևմտյան ափի հյուսիսում գտնվող Նաբլուսի հարավում սիոնիստական ​​ուժերի հարձակման հետևանքով 30 պաղեստինցի է վիրավորվել։

 Պաղեստինի ուսումնասիրությունների կենտրոնը հայտարարել է, որ 2023 թ. սկզբից (վերջին 9 ամիսների ընթացքում) բռնագրավված Ղոդսում ձերբակալվել է մոտ 2200 պաղեստինցի, որոնցից 459-ը երեխաներ և դեռահասներ են, իսկ 68-ը՝ կանայք ու աղջիկներ։

Սիոնիստ ավանաբնակները սովորաբար ամեն օր հարձակվում են Ալ-Աղսա մզկիթի վրա: Նրանք նաև հարձակվում են Հորդանան գետի Արևմտյան ափի պաղեստինյան գյուղերի վրա և քարեր նետելով ու կրակելով նրանց ուղղությամբ վնասում են բնակիչներին  ու նրանց ունեցվածքը: