«Մեծ պատերազմ» Սաուդյան Արաբիայում
Եմենի Անսարալլահ շարժման քաղաքական գրասենյակի անդամ՝ Մոհամմեդ Նասեր Ալ-Բախիթին հայտարարել է, որ «Մեծ պատերազմ»-ը մոտ է:
Ավարտվում է Եմենի դեմ Սաուդյան կոալիցիայի սանձազերծած պատերազմի 51-րդ ամիսը: Անցած 50 ամիսների ընթացքում, այս պատերազմն այնպիսին է եղել, որ Սաուդյան Արաբիան ու իր դաշնակիցները նախահարձակ են եղել և Եմենի բանակն ու Անսարալլահի ուժերը դիմադրել են նրանց և մերթ ընդ մերթ վնասներ են պատճառել Սաուդյան Արաբիային ու ԱՄԷ-ին: Նման պայմաններում, սաուդյան կոալիցիայի կործանիչներն ամեն օր ռմբակոծել են Եմենի տարբեր շրջանները, այնպես որ վերջին տասնամյակներում պատերազմի հետևանքով ամենամեծ մարդկային աղետն է տեղի ունեցել և ավերվել են Եմենի հիմնաշենային կառույցների 80 տոկոսը:
Եմենի բանակն ու Անսարալլահի ուժերը հիմնականում կենտրոնացած են եղել մայրքաղաք Սանաան և իրենց վերահսկողության տակ գտնվող շրջանները պաշտպանելու վրա:
Այդ պատերազմի հինգերորդ տարին սկսվելով, Եմենի բանակի ու Անսարալլահի տեղեկությունները, հրթիռային կարողություններն ու ԱԹՍ-երի թիվն այնքան մեծացավ, որ նրանց հաջողվեց հայտնաբերել Սաուդյան Արաբիայի ու ԱՄԷ զգայուն ու ռազմավարական 300 թիրախներ, որոնք հետզհետե հրթիռների ու ԱԹՍ-ների հարձակման ենթարկվեցին:
Հարց է ծագում, թե որն է Եմենի պատերազմում առաջացած փոփոխության պատճառը: Այդ կապակցությամբ կարելի է երեք գործոնների անդրադառնալ:
Առաջինը՝ Եմենի Անսարալլահի հավատքն ու բարոյական հզորությունն է: Նրանք պատրաստ չեն անհավասար ու անարդար պայմաններում բանակցել արևմտյան արդիական զենքերով զինված թշնամու հետ: Եմենի բանակի և ժողովրդական կոմիտեների համերաշխության շնորհիվ, սաուդյան կոալիցիային չի հաջողվել իրագործել իրենց նպատակները:
Երկրորդ գործոնը՝ պատերազմի ձգձգվելն է: Պատերազմի ձգձգվելը զայրույթ է առաջացրել սաուդցիների ու նրանց դաշնակիցների մոտ և նրանց դեմ հանրային կարծիքի ճնշումները մեծացել են: Անսարալլահի և Եմենի բանակի համար դա առիթ է եղել պաշտպանական կարողությունները մեծացնելու համար: Այդ ուղղությամբ, Եմենի ռազմական մի պաշտոնա «Ալ-Ղոդս-Ալ-Արաբի» թերթին տված հարցազրույցում, ասել է.«Հուսիներն օգտվել են պատերազմի ու շրջափակման ձգձգվելուց և ընդլայնել են իրենց ռազմական կարողությունը: Այն դեպքում, երբ Սաուդյան Արաբիան փորձարկել է այն ամենն ինչ ունեցել է, սակայն չի հաջողել և ընդհակառակը դժոխքի դռներն է բացել իր դեմ»:
Երրորդ գործոնը՝ սաուդյան Արաբիայի ու ԱՄԷ-ի միջև տարաձայնությունների սրվելն է: Եմենի դեմ կոալիցիայում Սաուդյան Արաբիայից հետո կարևորագույն պետությունը համարվող ԱՄԷ -ը անցած մեկ տարվա ընթացքում փորձել է շոշափելի ձեռքբերումներ ունենալ Եմենի պատերազմից:
Հաշվի առնելով այս վիճակը, Եմենի Անսարալլահի քաղաքական գրասենյակի անդամ՝ Մոհամմեդ Ալ-Նասեր Ալ-Բախիթին հայտարարել է, որ «Մեծ պատերազմ»-ը մոտ է և այդ մեծ պատերազմը տեղի է ունենալու Սաուդյան Արաբիայի հողում: