Պուտինը ստորագրել է օրենք INF պայմանագրի դադարեցման մասին
ՌԴ նախագահ Վլադիմիր Պուտինը հուլիսի 3-ին ստորագրել է դաշնային օրենք՝ «Միջին ու փոքր հեռահարության հրթիռների ոչնչացման» պայմանագրի (INF) դադարեցման մասին: Նա համապատասխան փաստաթուղթը փոխանցել է պետական մարմիններին այն գործադրման հանձնելու համար:
2018 թվականի հոկտեմբերին Դոնալդ Թրամփը հայտարարեց, որ դուրս է գալիս INF պայմանագրից՝ պատճառաբանելով, որ Մոսկվան խախտում է պայմանագիրը և չի կատարում իր պարտավորությունները։ Ընդ որում՝ ապացույցներ, որ Ռուսաստանը խախտել է պայմանագիրը, ամերիկյան կողմը այդպես էլ չի ներկայացրել։
2019 թվականի փետրվարի 2-ից ԱՄՆ-ի կողմից INF պայմանագրի կատարման դադարեցումն աշխարհը կանգնեցրել է մեծ մարտահրավերի՝ այսինքն սպառազինական դաշինքների խարխլման առջև:
Վաշինգտոնը և Մոսկվան միմյանց մեղադրում են այդ պայմանգրի դրույթները խախտելու մեջ:
Վաշինգտոնը, դադարեցնելով այդ ռազմավարական պայմանագրով ստանձնած իր պարտավորությունները, պայմանագրին իր անդամակցության շարունակումը պայմանավորեց Ռուսաստանի կողմից պայմանագրին ցուցաբերվող հավատարմությամբ և վերջինիս վեց ամիս ժամանակ տրամադրեց: Իսկ Ռուսաստանը մի քանի օր անց, հակադարձ քայլի դիմելով, Պուտինի հրամանագրով վեց ամսով դադարեցրեց «Միջին ու փոքր հեռահարության հրթիռների ոչնչացման» մասին պայմանագրի իրագործումը: Հուլիսի 3-ին, պաշտոնական բնույթ հաղորդելով այդ որոշմանը, Պուտինը ստորագրել է դաշնային օրենք՝ այդ պայմանագրի վերաբերյալ: Մոսկվան Վաշինգտոնին զգուշացրել է, որ չի կարող միայնակ պահպանել պայմանագիրը: Իհարկե Վաշինգտոնը մտադիր է INF պայմանագրից դուրս գալուց հետո նոր START պայմանագիրը չերկարաձգել: Այդ պայմանագիրը վերահսկում է Ռուսաստանի ու ԱՄՆ-ի միջուկային զինանոցները:
Ռուսաստանը բազմիցս զգուշացրել է սպառազինության վերահսկման պայմանագրերի ներկա գործընթացի կապակցությամբ, հաշվի առնելով այդ պայմանագրերի, ներառյալ՝ INF-ի և նոր START -ի վերացմանն ուղղված ԱՄՆ-ի կողմոնորոշումը: ՌԴ նախագահ Վլադիմիր Պուտինը սպառնացել է, որ եթե Միացյալ Նահանգները նոր START պայմանագրի երկարաձգման մտադրություն չունենա, Ռուսաստանը ևս թույլ կտա, որ այդ պայմանագիրը 2021 թվականին չեղարկվի: Պուտինը հունիսի 6-ին Սանկտ Պետերբուրգում կայացած տնտեսական նիստի շրջանակում ասել է.«Եթե որևէ մեկը START պայմանագիրը երկարաձգելու մտադրություն չունի, մենք ևս չենք երկարաձգի այն: Չնայած 2021 թվականին ավարտվում է պայմանագրի ժամկետը, սակայն դրա երկարաձգման համար դեռ պաշտոնական բանակցությունների գործընթացը չի մեկնարկել»:
Ռուսները համոզված են, որ Թրամփի վարչակազմը ԱՄՆ-ի նոր միջուկային դոկտրինայի շրջանակում կցանկանա նոր միջուկային հրթիռներ ու սպառազինություն տեղակայել Ռուսաստանի ու Չինաստանի կողմից ենթադրյալ սպառնալիքներին դիմակայելու համար: Թրամփն այդ կապակցությամբ հայտարարել է.«ԱՄՆ-ն կընդլայնի իր միջուկային սպառազինությունը ,քանի դեռ Ռուսաստանն ու Չինաստանը չեն դադարեցրել իրենց միջուկային սպառազինության ընդլայնումը:
Այսպիսով պետք է սպասել, որ Թրամփի վարչակազմն իր միջուկային հավակնությունների շրջանակում վեցամսյա դադարից հետո INF պայմանագրից դուրս գալով հաջորդ փուլում իր օրակարգում ներառի նոր START պայմանագրի չերկարաձգման որոշումը: Այս սցենարը կխորացնի անկայությունը միջազգային ասպարեզում և թափ կհաղորդի աշխարհի ատոմային գերտերությունների միջև միջուկային սպառազինական մրցավազքին:
