Իրանի նավատորմը պատրաստ է հակառակորդի դավադրություններին դիմակայելու համար

ԻԻՀ բանակի նավատորմի հրամանատարը հայտարարել է, որ Իրանի ռազմածովային ուժերը պատրաստ են դիմակայել թշնամու դավադրություններին:

Ծովակալ Հոսեյն Խանզադին նշել է, որ թշնամին իր ռազմածովային ուժերը պահել է Իրանի ծովային սահմանից մի քանի հարյուր մղոն հեռավորության վրա  և գիտի որ եթե փորձի հարվածել Իրանի շահերին և  խաթարի  երկրի տարածքային ամբողջականությունը, փախուստի ճանապարհ չի ունենալու: 

Ծովակալ Հոսեյն Խանզադին հստակեցրել է, Իրանն իր ջրային տարածքներում շուրջօրյա ռեժիմով հետևում է թշնամու տեղաշարժերին: «Մի մեծ թիմ ամբողջությամբ վերահսկում է նրանց հրթիռների, նավախմբերի և էլեկտրոնային պատերազմի ու  դիտարկման համակարգերի տեղեկություններին». ասել է նա:

Տարածաշրջանում ԱՄՆ ներկայությունը միշտ եղել է անկայունություն ստեղծելու համար: Այդ նպատակով ԱՄՆ-ը փորձում է ռազմական կոլիցիա ստեղծել Պարսից ծոցի տարածաշրջանում: 

Հարց է առաջանում, թե  ԱՄՆ-ն և  արտատարածաշրջանային երկրները ի՞նչ նպատակով են  միջամտում տարածաշրջանի ներքին գործրին:

Պարզ է, որ  տարածաշրջանում օտարերկրացիների ներկայությունը և Պարսից ծոցի ծովային առևտրի միջավայրի անվտանգության խաթարումը, ենթահող են պատրաստում տարածաշրջանի արաբական երկրներին միլիարդավոր դոլարների զենք վաճառելու համար: Միևնույն ժամանակ, ԱՄՆ-ը փորձում է վերահսկել տարածաշրջանում էներգիայի ազատ հոսքը:

Աշխարհի նավթի պաշարների շուրջ երկու երրորդը և աշխարհի բնական գազի պաշարների շուրջ մեկ երրորդը գտնվում է այս տարածաշրջանում: Նավթը տարածաշրջանում տնտեսական հարաբերությունների և աշխարհի հետ տարածաշրջանի բոլոր երկրների տնտեսական կապերի հիմքն է:

Տարածաշրջանում ԱՄՆ-ի սադրիչ ռազմական գործողությունները  հանգեցրել են տարածաշրջանի անապահովությանը: Սա այն դեպքում, երբ Պարսից ծոցի հարավային երկրները, Իրանը և  Օմանը կարող են դրական համագործակցույամբ ապահովել Պարսից ծոցի անվտանգությունը և լուծել տարածաշրջանային հարցերը:

Իրանի Իսլամական Հանրապետությունը իր հարևաններին հրավիրել է համագործակցել և մասնակցել տարածաշրջանի անվտանգության ապահովման գործընթացներին: Իրանը առաջարկել է ստեղծել տարածաշրջանային երկխոսության ֆորում և ստորագրել չհարձակվելու մասին պայմանագիր:

Կիրակի օրը, Իրանի ԱԳ նախարար Մոհամմեդ Ջավադ Զարիֆը Քուվեյթում այդ երկրի գահաժառանգի և արտգործնախարարի հետ հանդիպումից հետո Twitter- ում  գրել է, որ Քուվեյթի պաշտոնատարների հետ հանդիպումների ժամանակ բանակցել է   տարածաշրջանային երկրների հետ ոչ ագրեսիվ համաձայնագիր ստորագրելու մասին Իրանի առաջարկի վերաբերյալ:

Անկասկած, տարածաշրջանի երկրները և այն երկրները, որոնց առևտրային շահերը կախված են Պարսից ծոցից և Հորմուզի նեղուցից,  ունեն ծովային բեռնափոխադրման կայունության ու անվտանգության կարիք: Դա նշանակում է որ բոլորն ունեն մեկ նպատակ: Հետևաբար, կայունությունը և շահերի ապահովումը պետք է լինեն բոլորի համար: Այդ պատճառով, Իրանի Իսլամական Հանրապետությունը երբեք չի հապաղի պահպանել տարածաշրջանում իր և հարևանների անվտանգությունը:

Տարածաշրջանում ցանկացած անկայունություն, վնասում է ոչ միայն  Իրանին, այլ տարածաշրջանի բոլոր երկրներին:

Տարածաշրջանում անվտանգության հաստատման  Իրանի տեսակետը հիմնված է  միջտարածաշրջանային, հավաքական ներգրավվածության և միջտարածաշրջանային պոտենցիալների օգտագործման վրա: